афғанистанда сәл апити йүз берип 70 адәм өлди

афғанистанниң шималидики бағлан вилайитидә қаттиқ һөл – йеғин кәлтүрүп чиқарған сәл апитидә өлгәнләрниң сани 70 тин ешип кәтти؛ 800 дин артуқ өй – макан йиқилип чүшкән сәл апитидә өлгәнләр саниниң техиму көпийип кетишидин әндишә қилинмақта.
бағлан вилайитидә йағқан шиддәтлик һөл – йеғин пәйда қилған сәлдә 38 мәһәллә су астида қалди. аһалиләр районини кесип өтидиған өстәңләрдә җәсәтләрниң ләйләватқанлиқи, лай қатлиминиң астидиму җәсәтләрниң барлиқи әскәртилмәктә. районда йәнә йүзләрчә адәмниң из – дерикиниң йоқлуқи қәйт қилинди. хәлқ болса, лай астида қалған нәрсә – керәклирини қутулдурувелишқа тиришмақта.
алақидар мәсуллар, өй – маканларниң өрүлүп чүшкәнликини, ичимлик сүйиниң йоқлуқини, хәлққә йотқан – көрпә вә узуқ – түлүк йәткүзүп беришкә тиришиватқанлиқлирини уқтурди.
апәт йүз бәргән җайға йеқин бир йезида өткән ай сәл вә тағ сийрилип чүшүш апити йүз берип, 300 адәм һайатидин айрилғаниди.