29.07.2021

gérmaniyede chiqidighan «‹Frankfurter Allgemeine Zeitung› géziti», amérika dora magnati «Pfizer» shirkiti bilen «BioNTech» shirkiti birlikte tetqiq qilip yasap chiqqan kowid-19 waksinisining soda mölcherini %29 östürüp, 33 milyard 500 ming dollargha chiqarghanliqini xewer qildi.

gérmaniyening ‹Sueddeutsche. Zeitung› géziti»,  rok muzika etriti (ZZ Top) ning qurghuchi ezasi dastiy hilning 72 yéshida téksasdiki öyide alemdin ötkenlikini xewer qildi.

«gérmaniye awazi radyosi» texminen 13 minggha yéqin tetqiqatchining kélimat krizisining nöwettiki weziyiti sewebidin jiddiy heriket qollinishqa chaqiriq élan qilghanliqini xewer qildi

ereb we ingiliz tillirida chiqidighan «‹elqudsul erebi› géziti», tunis pirézidénti qeys seidning söhbet programmisi cheklimisi sewebidin dölet téléwiziyesi bash dériktori lésad daxishni wezipisidin élip tashlighanliqini xewer qildi.

qatarda chiqidighan «‹errayel qeteriyye› géziti», her yili 30 türk oqughuchigha qatar uniwérsitétida oqush mukapat puli bérilidighanliqini xewer qildi.

ispaniyede chiqidighan «‹El Pais› géziti», liwandiki 10 ming 200 tinchliq saqlash eskirige ispaniyening üchinchi qétim qomandanliq qilishni palanlighanliqini xewer qildi.

ispaniyede chiqidighan «‹El Mundo› géziti», yawropa ittipaqi fondlirining rayonlargha köre teqsimlinishining aptonom rayonlar bilen hökümet otturisida hazirdin bashlapla tunji toqunushni peyda qilghanliqini, hökümetning teqsimatni tenqid qilghan aptonom rayonlargha ajritilghan mebleghlerni qayturiwilish bilen tehdit séliwatqanliqini xewer qildi

wénézuélada chiqidighan «‹TeleSur› géziti», ékwador döletlik maaripchilar jemiyiti (UNE) gha eza oqutquchilarning aldinqi parlamént maqullighan medeniyetler ara maarip qanunigha kirgüzülgen özgertishlerge riaye qilinishi kéreklikini telep qilip namayish ötküzüwatqanliqini xewer qildi.

rusiyening «<Lenta.ru> xewerler tori», amérika kéngesh palatasining 12 jumhuriyetchi ezasining hökümetke 2 - shimaliy éqim layihesi toghrisida ultimatom tapshurghanliqini, maliye ministiri janét yélléngha yollanghan mektubta, eger layihege munasiwetlik émbargolar ijra qilinmisa we hökümetning bu layihege tutqan pozitsiyesi özgermise, maliye ministirliqidiki teyinleshlerning ret qilinidighanliqini bildürgenlikini xewer qildi.

rusiyening «‹RIA Novosti› agéntliqi», amérika pirézidénti jo baydinning tünügün aqsarayda bélorusiye öktichilirining rehbiri swétlana tixanowiskaya bilen körüshkenlikini xewer qildi.

rusiyening «‹Regnum› agéntliqi»,  rosiye ayal tenheriketchilirining yaponiyede ötküzülgen olimpik tenheriket musabiqiside qolwaq heydesh türi boyiche kümüsh médalgha érishkenlikini xewer qildi.

firansiyede chiqidighan «‹lé parisén›  géziti», (firansiye prézidénti) émmanuél makronning uni gitlérge oxshitip pilakat yasighan kishi üstidin jinayi ishlar mehkimisige erz sunghanliqini xewer qildi.

firansiyede chiqidighan «‹lé figaro›  géziti», (firansiyede) türmilerde 1-iyulghiche bolghan hésab boyiche 68 minggha yéqin mehbus barliqini we mehbuslar sanining bir yilda %15.7 ashqanliqini xewer qildi.

firansiyede chiqidighan «‹lé mondé›  géziti», pégasus jasusluq yumshaq détali mesiliside, israiliyening weqege jiddiy muamile qilghanliqi heqqide firansiyege kapalet bergenlikini we parizh  dairilining izhat kütiwatqanliqini xewer qildi.