10.06.2021

gérmaniye awazi radiyosi, jumhur reis rejep tayyip erdoghan bilen amérika pirézidénti jo baydinning 14-iyun biryussélda ötküzülidighan tunji qétimliq yüzturane uchrishishigha az qalghanliqini tekitlep, «washingiton – enqere – biryussél otturisida tarixi ehmiyetke ige diplomatik söhbet musapisi élip bérilmaqta» serlewhilik xewer élan qildi.

gérmaniyening ‹tagesschau.de› xewerler tori»,  gérmaniyening xésén ölkiside, irqchiliq uchur guruppisidiki yazmilarni hembehirlesh gumani bilen 20 saqchining öy we xizmet orunlirida axturush élip barghanliqini xewer qildi.

gérmaniyening ‹Handelsblatt.com› xewerler tori»,  dunyadiki eng chong aptomobil bilen teminligüchi shirket «Bosch» ning gérmaniyede 1 milyard yawro meblegh sélip, aptomobillar üchün özek ishlepchiqirish zawuti qurghanliqini xewer qildi.

firansiyening «‹France 24› téléwiziye qanili»,  «yalghuzlashturush herikitimu yaki téximu chongqur ghezepning ipadisimu? firansiye pirézidénti émmanél makrongha testek urush weqesi firansiyede bölünüshke seweb boldi» serlewhilik xewer élan qildi.

firansiyede chiqidighan «‹lé mondé›  géziti» amérika pirézidénti jo baydinning amérika bilen yawropaning ittipaqlashqanliqini rusiye pirézidénti wiladimir putin bilen xitaygha bildürüp qoyushni xalaydighanliqini xewer qildi.

firansiyede chiqidighan «‹lé matin›  géziti», shiwéyétsariyening jenwe shehiride bezgek késilide kishini chöchütidighan derijide örlesh körülgenlikini xewer qildi.

qatarning «eljezire téléwiziye qanili», ishghaliyet astidiki pelestin zéminida yehudiy aqqunlarning ighwagerchiliki kücheygenlikini we washingtonning tinchliq chaqiriqida bolghanliqini xewer qildi.

«eljezire téléwiziye qanili» yene,  süriyening heseke rayonida charlash aptomobilini nishan qilghan partilashta, bir neper rusiye eskiri ölüp, üch neper rusiye eskirining yarilanghanliqini xewer qildi.

qatarda chiqidighan «‹errayel qeteriyye› géziti», pelestindiki birleshken döletler teshkilati insanperwerlik maslashturghuchi mesuli lin xastingsning xelqara jemiyet we organlarni ghezze xelqige téximu köp yardem bérishke chaqirghanliqini xewer qildi.

ispaniyede chiqidighan «‹El Mundo› géziti», ispaniyediki mutexessisler nurghun kishilerning kowid-19 yuqumini késellik alamiti körsetmestin yéngidighan géngha ige ikenlikini bayqighanliqini xewer qildi.

ispaniyede chiqidighan «‹El Pais› géziti», ispaniye chégra shehiri séutadiki köchmenler krizisida yawropa parlaméntining marakeshning xata ikenlikini jakarlighanliqini xewer qildi.

wénézuélada chiqidighan «‹El Nacional › géziti», pérudiki saylamda utturup qoyghan keyko fujimorining 200 minggha yéqin béletning bikar qilinishini telep qiliwatqanliqini xewer qildi.

rusiyening «‹Gazeta.ru› xewerler tori», rusiye bilen türkiye otturisidiki ayropilan qatnashlirining 7-ayda bashlinishi mumkinlikini xewer qildi.

rusiyede chiqidighan «‹komsomolskaya prawda› géziti», rusiye pirézidénti wiladimir putinning «méning ukraina pirézidénti wiladimir zélénskiy bilen sözlishidighan nurghun ishlirim bar, rusiye bilen ukraina munasiwitide nurghun mesililer jughlinip qaldi» dégenlikini xewer qildi.

rusiyede chiqidighan «‹rossiskaya› géziti», moskwa sheherlik sot mehkimisining rusiye öktichisi alékséy nawalniyning ilkidiki mebleghni «ashqun, radikal» dep élan qilish arqiliq bikar qilghanliqini xewer qildi.