13.05.2021

bügünki chet el metbuatliridin tallap teyyarlighan xewerlirimizning qisqiche mezmunliri töwendikiche:

1638915
13.05.2021

türkiye awazi radiyosi xewiri: qatarda chiqidighan «erraye elqatariyye» géziti, pelestin rehbiri mehmud abbasning «quddus qizil siziq... tinchliq we muqimliq ornitish üchün quddus ishghaliyettin qutulushi kérek» dégen sözlirige sehipiliridin orun berdi.

omanda chiqidighan «weten» géziti, israiliyening iyordan deryasining gherbiy qirghiqida üch ademni shéhit qilghanliqi, ghezze hujumida shéhit bolghanlar sanining 35 ke yetkenlikini xewer qildi.

firansiyening «lé matin» géziti, népal sayahet orunlashturghuchilirining, éwérést téghida biri amérikaliq, yene biri shiwéytsariyelik bolup ikki taghqa yamashquchining öltürülgenlikini élan qilghanliqini xewer qildi.

firansiyening «lé mondé» géziti, 5- ayning 29- küni firansiyening paytexti parizhdiki akkor meydanida kowid – 19 cheklimiliri boshitilghandin kéyinki tunji qétimliq sinaq konsértining ötküzülidighanliqini ilgiri sürdi.

firansiyening «firans-24» xewerler qanili, firansiye longqisi yérim hel qilghuch musabiqisining yawropa chémpiyonluq birleshmisidin shallanghan we firansiye birleshmisi (ispaniye birleshmisi 1) diki chémpiyonluq musabiqiside éghir zerbige uchrighan parizh saynt gérman komandisi mibappé komandisi arqiliq özige teselliy tapqanliqini؛ komandining qattiq tirkishish we jaza toptin kéyin hel qilghuch musabiqisige qatnishish üchün namini yazghuzghanliqini xewer qildi.

ispaniyening «él pais» géziti, waksina emlengendin buyan ispaniyediki yuqumlanghuchilarning heptilik qaza qilish nisbitining %90 azayghanliqi toghrisidiki uchurlarni oqurmenlirining diqqitige sundi.

argéntinaning «la nasion» géziti, argéntina hökümitining israiliyening «muwazinetsiz küch ishlitish» ni tenqid qilghanliqini yazdi.

wénézuélada chiqidighan «télésur» géziti, kolombiyediki 15 kündin buyan dawamlishiwatqan namayishlarning pütkül memliket miqyasigha kéngeygenlikini xewer qildi.

gérmaniyening «zéit onlayn» tori, awstriye bash ministiri sébastiyan kurzning tekshürülüwatqanliqini ilgiri sürdi.

gérmaniyening «tagésshaw.dé» tori, yéngi sayahet orunlashturushining élan qilinidighanliqini, shuning bilen yaz aylirida  yawropadiki tetil ishlirining asanlishidighanliqini xewer qildi.

rusiyening «ria nowosti» agéntliqi, tataristan jumhuriyiti pirézidéntliq mehkmisi axbarat ishliri katipi liliya galimowaning,  11- may meydangha kelgen mektep hujumida yarilanghan balilarning salametlikining muqim ikenlikini, besh balining moskwagha dawalinishqa ewetilgenlikini éytqanliqini yazdi.

rusiyening «gazate.ru» tori, bilumbérg qanilining, yawropa ittipaqi ezaliri arisida rusiyening qanunsiz saylam arqiliq ukrainaning bir qisimini «özige qétiwélish» we rayon xelqige rusiye pasporti bérishke urunuwatqanliqi toghrisidiki bir höjjetning tarqilip yürgenlikini xewer qilghanliqini oqurmenliri bilen ortaqlashti.

rusiyening «izwéstiya» géziti, rusiyede qoral élip yürüsh tüzümini kücheytishni mezmun qilghan bir  qanun layihesining muzakire qiliniwatqanliqini, maqullinishi mölcherliniwatqan qanungha asasen, miltiq we oqlarning izini reqemlik muhitta qoghlighili bolidighanliqini yazdi.

 



مۇناسىۋەتلىك خەۋەرلەر