12.05.2021

gérmaniyening «‹Businessinsider.de› xewerler tori», türkiyening éléktironluq aptomobil ishlepchiqarghuchisi «TOGG» ning gérmaniyede shirket quridighanliqini xewer qildi.

gérmaniyede chiqidighan «‹Suddeutsche Zeitung› géziti»,  israiliyening qilmishlirigha ottura sherq we türkiyening qattiq naraziliq bildüriwatqanliqini, biraq ereb döletlirining süküt qiliwatqanliqini xewer qildi.

«gérmaniye awazi radiyosi» seudi erebistan-iran yéqinlishishi heqqidiki xewiride, ikki küchlük reqibining biwasite alaqe ornitishining paris qoltuqi rayonidiki jiddiychilikni peseytishi mumkinlikini ilgiri sürdi.

argéntinada chiqidighan «‹Clarin› géziti», argéntina tashqi ishlar ministiri félip solaning ghezzediki hujumni eyibligendin kéyin, israiliyening buénus ayrésta turushluq bash elchixanisining bu bayanattin endishe hés qilidighanliqini bildürgenlikini xewer qildi.

ispaniyede chiqidighan «‹El Pais› géziti», ispaniye sehiye ministirliqi we aptonom rayonlarda 60 yashtin töwen puqralargha birla qétim emlinidighan jansén jonson we jonson waksinisini testiqlighanliqini xewer qildi.

méksikada chiqidighan «‹El Universal› géziti», öyidin tutqun qilinghandin kéyin jesiti tépilghan 3 aka-uka üchün guadalaxara shehiride adalet telep qilip minglighan kishining yürüsh qilghanliqini xewer qildi.

firansiyening «‹France 24› téléwiziye qanili», fransiye parlaméntining jiddiy haletni békar qilish we waksina pasportini axirlashturush toghrisidiki qanun layihisini maqullighanliqini xewer qildi.

shéwiyétsariyede chiqidighan «‹Le Matin› géziti»,  kowid- 19 yuqumining hindistan wariyantining 44 dölette körülgenlikini, amérika pirézidénti jow baydinning waksina  toghrisida yardem chaqiriqi élan qilghanliqini xewer qildi.

firansiyede chiqidighan «‹lé mondé›  géziti» fransiyede, hakimiyettiki  LREM partiyesi ichide yerlik saylamda namzat bolush aldida turghan bash yaghliqliq bir kandidat toghrisida ixtilap chiqqanliqini xewer qildi.

qatarning «eljezire téléwiziye qanili», israiliyening zorawanliqini gherp taratqulirining «toqunush we jédel» dégendek edeplik sözler bilen ipadilewatqanliqini xewer qildi.

«‹elqudsul erebi› géziti», «israiliye ishghaliyet armiyesidur. ghezzedin israiliyege ming rakétamiyot étildi» serlewhilik xewer élan qildi.

iyordaniyede chiqidighan «‹eddustur› géziti», israiliyening yéngi hawa hujumida ghezze rayonidiki pasport ishxanisining weyran bolghanliqini xewer qildi.

qatarning «eljezire téléwiziye qanili», yershari xaraktérliq hemkarlishish paaliyitide , «sheyx jarrahni qutquzush» dégen xetküchning 2 milyondin artuq hembehirlengenlikini xewer qildi.

rusiyening «‹RIA Novosti› agéntliqi», rusiyening muawin tashqi ishlar ministiri olég siromolotofning 2020-yili rusiyege qaritilghan tor hujumining köpinchisining amérika, gérmaniye we gollandiyede tizimgha élinghan adréstin élip bérilghanliqini éytqanliqini élan qildi.

rusiyede chiqidighan «<RBK > géziti »,  watsapning 15 – maydin étibaren yéngi qanunini qobul qilmighan obontlirini toxtitishni bashlaydighanliqini xewer qildi.

rusiyening «izwéstiya géziti»,  rusiyede yazliq öy qerzige bolghan telepning  3.5 hesse ashqanliqini xewer qildi.