11.05.2021

bügünki chet el metbuatliridin tallap teyyarlighan xewerlirimizning qisqiche mezmunliri töwendikiche:

1637913
11.05.2021

türkiye  awazi radiyosi: firansiyening «firans-24» xewerler qanili, firansiye bash ministiri zhan kastékisning, firansiyening kowid – 19 peyda qilghan saghlamliq kirizisidin «chiqiwatqan»liqini ilgiri sürgenlikini körürmenliri bilen ortaqlashti.

firansiyening «lé mondé» géziti, firansiye sehiye ministiri oliwiyér wéranning, kowid – 19 yuqumi sewebidin taqiwtilgen qehwexana we réstoranlarning 5- ayning 19- küni qaytidin échilidighanliqini tekitligenliki toghrisidiki uchurlarni oqurmenlirining diqqitige sundi.

firansiyening «lé parisién» géziti, firansiye bash ministiri zhan kastékisning, saqchi yaki zhandarmilargha hujum qilghanlargha téximu éghir jaza bérilidighanliqini uqturghanliqini xewer qildi.

gérmaniye awazi radiyosi, türkiye büyük millet mejlisi (parlaménti) diki besh partiyening, israiliyening mesjidi eqsagha qaratqan qilmishlirini birleshme bayanat élan qilip eyibligenliki we xelqara jinayi ishlar sot mehkimisini heriketke ötüshke chaqirghanliqi  toghrisidiki uchurlarni anglighuchilirining diqqitige sundi.

gérmaniyening «shpiégél.dé» tori, dunya sehiye teshkilatining bayanat élan qilip, «kowid – 19 hindistan wariyantining ademni endishige salidighanliqi»ni uqturghanliqini yazdi.

gérmaniyening «bild.dé» géziti, gérmaniye ichki ishlar ministiri xorst shixoférning yuqumgha duchar bolghanliqini ilgiri sürdi.

ispaniyening «él pais» géziti, ispaniye iqtisadining kowid – 19 kirizisidin kéyin qaytidin janlinishqa bashlighanliqini xewer qildi.

méksikaning «él uniwérsal» géziti, «kowid – 19ning eng éghir zerbisige uchrighan rayon bolghan latin amérikasida qandaq xataliqlar sadir qilinghan bolushi mumkin» dégen témida analiz maqalisi élan qildi.

wénézuélada chiqidighan «télésur» géziti, wénézuélaning israiliyening pelestinge qilghan hujumini eyibligenlikini yazdi.

iyordaniyede chiqidighan «eddustur» géziti, iyordaniye tashqi ishlar ministiri eymen sefedining amérika tashqi ishlar ministiri antoni blinkén bilen ötküzgen téléfon söhbiti jeryanida «quddus asasliq, shundaqla hel qilghuch bir mesile, yüz bériwatqan ishlar (israiliyening hujumliri) toxtitilishi kérek» dégenlerni otturigha qoyghanliqini xewer qildi.

qatarning «eljezire» qanili, israiliye ishghalchi qisimlirining mesjidi eqsagha qaytidin hujum qiliwatqan we hujumlarda adem ölüsh ehwallirining körülüwatqanliqi, quran kerimning köydürülgenliki we jamelerge ot qoyup bériliwatqanliqi toghrisidiki uchurlarni körürmenlirining diqqitige sundi.

londonda erebche we inglizche neshr qilinidighan «elquddus elerebi» géziti, pelestin pirézidéntliq mehkimisining  (jiddiychilikning) jawabkarining israiliye ikenlikini otturigha qoyghanliqini, jumhur reis rejep tayyip erdoghanning israiliyening hujumlirini toxtitish üchün ereb ellirining bashliqliri bilen körüshüwatqanliqini yazdi.

rusiyening «régnum» agéntliqi, rusiye merkiziy bankisining, tor hujumi netijiside pulidin ayrilip qalghan banka xéridarlirigha amanet pulini qayturush üchün addiylashturulghan bir sistémining yolgha qoyulushini tewsiye qilghanliqini xewer qildi.

rusiyening «lénta.ru» xewerler tori, rusiye dölet bixeterlik kéngishining muawin katipi yuri awéryanofning, amérikaning bashqa döletlerni biyologiyelik qoral ishlepchiqirishqa ilhamlanduruwatqanliqini ilgiri sürgenlikini oqurmenliri bilen ortaqlashti.

rusiyening «gazate.ru» tori, amérika pirézidénti jo baydinning, amérikaning eng chong néfit éksport qilghuchi shirkiti — Colonial Pipeline  ning sistémisigha qilinghan tor hujumida rusiyening jawabkarliqi barliqini ispatlaydighan héchqandaq pakit yoqluqini éytqanliqi toghrisidiki uchurlarni oqurmenlirining diqqitige sundi.



مۇناسىۋەتلىك خەۋەرلەر