10.05.2021

türkiye awazi radiyosi: gérmaniye awazi radiyosi, sotsiyal démokratlar partiyesining bash ministir namzatining olaf sholz (Olaf Scholz) bolghanliqini xewer qildi.

gérmaniyede chiqidighan «züddayche zeytung géziti» (Süddeutsche Zeitung), yawropa ittipaqining astrazénéka waksinasidin zakas bérishni yéngilimighanliqini xewer qildi.

shiwéytsariyede chiqidighan «lé matin géziti» (Le Matin), amérikada bir tughulghan kün ziyapitide yüz bergen weqede yette kishining jénidin ayrilghanliqini xewer qildi.

ispaniyede chiqidighan «él pais géziti», ispaniye aliy sotining «wuxen wirusi (Kovid-19) tedbirliri pilani» ni ret qilsa, hökümetning qanun teklipige özgertish kirgüzidighanliqini xewer qildi.

argéntinada chiqidighan «kléyrin géziti» (Clarín), argéntina pirézidénti albérto férnandéz (Alberto Fernández) ning hoquqini téximu köpeytken bir qanun layihesining parlaméntqa sunulghanliqini xewer qildi.

eljezire qanili, b d t xewpsizlik kéngishining bügün (2021-yili 10-may) quddusning nöwettiki weziyitini muzakire qilish üchün toplinidighanliqini, ereb ittipaqi we islam hemkarliq teshkilatining ete (11-may) toplinidighanliqini xewer qildi.

mezkur qanal yene, talibanning roza héyt mezgilide üch künlük urush toxtitilidighanliqini élan qilghanliqini xewer qildi.

rusyening «tas agéntliqi» (TASS), s n n ntéléwiziyesining amérika koloniyal payplayn (Colonial Pipeline) shirkitige qilinghan tor hujumining arqisida rusiye xakkérlirining barliqini ilgiri sürüwatqanliqini xewer qildi.

rusiyening «lénta.ru» tori (Lenta.ru), chéxiyening wrbétistiki partlashlar üchün rusiyedin milyonlarche dollar tölem telep qilishni oylishiwatqanliqini xewer qildi.

rusiyening «riya nowosti agéntliqi» (RİA Novosti), « wol strét zhurnili géziti» ning xewiride, amérika afghanistandin chékindüridighan eskerlirining bir qismini rusiye chégrasigha orunlashturushi mumkin ikenlikining qeyt qiliniwatqanliqini xewer qildi.