04.05.2021

bügünki chet el metbuatliridin tallap teyyarlighan xewerlirimizning qisqiche mezmunliri töwendikiche:

1633630
04.05.2021

türkiye awazi radiyosi: iyordaniyede chiqidighan «eddestur géziti», isirailiye déngiz armiye qolwaqlirining iyordan deryasining gherbiy qirghiqidiki béliqchi kémilirini oqqa tutqanliqini xewer qildi.

«elquddus elerebi géziti», amérika merkiziy axbarat idarisi (CIA) ning wirjinye ishtatidiki merkizining aldida qoralliq bir weqening bir terep qilinghanliqini xewer qildi.

qatarda chiqidighan «erraye alqatariyye géziti», iraqtiki amérika herbiy bazisigha rakéta hujumi qilinghanliqini xewer qildi.

firansiyede chiqidighan «lé mondé géziti» (Le Monde), amérika pirézidénti jo baydinning nurghun tenqidleshlerdin kéyin, qobul qilinidighan musapirlar sanini 62 ming 500 ge chiqarghanliqini xewer qildi.

firansiyede chiqidighan «lé figaro géziti» (Le Figaro), wuxen wirusi (Kovid-19) ning tejribixanidin chiqqanliqigha munasiwetlik éhtimalliqning qaytidin küntertipke kelgenlikini xewer qildi.

ispaniyede chiqidighan «él pais géziti» (El Pais), ispaniyede wuxen wirusi waksinasi emlesh ishlirida, 5 milyon kishining ikki qétimliq waksinasini emlesh nishanining emelge ashqanliqini xewer qildi.

wénézuélada chiqidighan «télésur géziti» (Telesur), baydin hökümitining sabiq pirézidént donald tramp mezgilide bir-biridin ayrilip ketken köchmenler aililirini bir yerge jem qilidighanliqini xewer qildi.

gérmaniyening «wélt.dé» tori (Welt.de), bu yil (2021) miyunxén shehiride dunyagha dangliq öktebir féstiwalining wuxen wirusi sewebidin ötküzülmeydighanliqini xewer qildi.

gérmaniyede chiqidighan «züdndayche zeytung géziti» (Süddeutsche Zeitung), gérmaniye hökümitining wuxen wirusi waksinalirini emletkenler üchün bezi cheklime tedbirlirini emeldin qaldurushni pilanlawatqanliqini xewer qildi.

gérmaniye awazi radiyosi, yawropa ittipaqida testiqlanmighan waksinalar üstide tekshürüshning dawamlishiwatqanliqini xewer qildi.

rusiyening «Russia Today» géziti, rusiye tashqi ishlar ministirliqi bayanatchisi mariya zaxaowaning rusiye hökümitining siwift (bankalar arisida éléktronluq fon ewetish ölchem kapalet sistémisi» ning sirtigha chiqiriwitish éhtimalliqini hazirche perez süpitide köridighanliqini, emma xeterler we ziyan sélish mumkinchilikini azaytish üchün munasiwetlik xizmetlerning qiliniwatqanliqini éytqanliqini xewer qildi.

rusiyening «tas agéntliqi», erméniye bash teptish idarisining pirézidént armén sarkisyanning qosh dölet puqraliqi barliqi sewebidin erz sunghanliqini xewer qildi.

xewerde, pirézidént armén sarkisyanning engliyening puqraliqini jemiyettin yoshurghanliqi qeyt qilindi.

«r b k» xewerler tori (RBK), G7 tashqi ishlar ministirliri omumiy kéngesh yighinida, rusiye bilen bolghan munasiwetlerning muhakime qilinidighanliqini xewer qildi.



مۇناسىۋەتلىك خەۋەرلەر