13.04.2021

bügünki chet el metbuatliridin tallap teyyarlighan xewerlirimizning qisqiche mezmunliri töwendikiche:

1620267
13.04.2021

türkiye awazi radiyosi: eljezire téléwiziyesi, türkiyening liwiye bash ministiri abdulhamid dibeybe bilen bezi kélishimlerni imzalighanliqini xewer qildi.

xewerde, türkiye jumhur reisi rejep tayyip erdoghanning milliy birleshme hökümitining hoquqi we igilik hoquqining pütkül döletke kéngiyishini telep qilghanliqi bildürüldi.

«elquddus elerebi géziti», ximiyelik qorallarni cheklesh teshkilatining 2018-yili süriye hakimiyitining bir tik ucharining saraqibqa xlor gazi bilen hujum qilghanliqini bildürgenlikini xewer qildi.

 «erraye elqatariyye géziti», qatar qizilay jemiyitining 20 dölette musapirlar, yurt-makanliridin mejburiy ayrilghan kishiler we köchmenlerni wuxen wirusi (Kovid-19) waksinasi bilen teminleshni kapalet astigha élish meqsitide, xelqaraliq seperwerlik paaliyiti bashlaydighanliqini xewer qildi.

firansiyede chiqidighan «lé figaro géziti» (Le Figaro), wabaning kölenggiside ikkinchi ramizanning bashlanghanliqini we yawropada wabaning 1 milyon kishining ölümige seweb bolghanliqini xewer qildi.

«24-frans» qanili, firansiyede 55 yashtin yuqiri kishilerni emlesh ishlirining düshenbe (2021-yili 19-aprél) künidin tartip bashlinidighanliqini xewer qildi.

gérmaniye awazi radiyosi, gérmaniye bash ministiri angéla mérkélning ramizan éyi munasiwiti bilen tebrik télégrammisi élan qilghanliqini xewer qildi.

xewerde, angéla mérkélning musulmanlargha qaritip, «mubarek ramizan éyida siler we aililiringlarning xatirjem, beriketlik waqit kechürüshünglarni tileymen» dégenliki qeyt qilindi.

gérmaniyening «n t w» qanili, yawropa komitétining bashliqi ursula fondér liyénning, yawropa kéngishining bashliqi charliz mishél bilen bashtin kechürgen «orunduq kirizisi» ning qayta yüz bérishige qetiy ruxset qilmaydighanliqini éytqanliqini xewer qildi.

ispaniyede chiqidighan «él pais géziti» (El Pais), ispaniyening wuxen wirusi wabasining tötinchi dolqunini bashtin kechürüwatqanliqini xewer qildi .

ispaniyede chiqidighan «él mundo géziti» (El Mundo), jemiyette ensiresh peyda qilghan astrazénéka waksinasining bir qollanma bilen birlikte peqet özi xalighan kishilergila emlinidighanliqini xewer qildi.

wénézuélada chiqidighan «él nasiyonal géziti» (El Nacional), wénézuélaliqlarning méksikagha köchüshni eng köp xalaydighan latin amérikaliqlar ikenlikini körsitidighan bir tekshürüsh doklatining élan qilinghanliqini xewer qildi.

rusiyening «riya nowosti agéntliqi» ( NovostiRİA), krémil sariyi bayanatchisi dmitri péskowning, türkiye bilen awiyatsiye qatnishigha cheklime qoyushning, ukraina pirézidénti zélénskiyning istanbul ziyariti bilen munasiwitining yoqluqini éytqanliqini xewer qildi.

rusiyening «lénta.ru» tori (Lenta.ru), rusiye tashqi ishlar ministiri sérgéy lawrowning, rusiyening gherb kontrol qiliwatqan xelqaraliq heq tölesh sistémiliridin waz kéchish üstide izdiniwatqanliqini éytqanliqini xewer qildi.

rusiyening «tas agéntliqi» (TASS), ukraina hökümitining ukrainagha amérikaning «wetenperwer» namliq bashqurulidighan bomba qalqan sistémisi orunlashturulushi kérek, dep qaraydighanliqini xewer qildi.



مۇناسىۋەتلىك خەۋەرلەر