16.02.2021

türkiye awazi radiyosi: gérmaniyede chiqidighan «frankfurtér ghundshaw» géziti, enqerening amérika bash elchisini tashqi ishlar ministirlqigha chaqirghanliqini xewer qildi.

gérmaniye awazi radiyosi, bérlindiki méhmanxanilarning ishikini öysiz kishilerge achqanliqini xewer qildi.

«a r d.dé» tori (ard.de), dunya sehiye teshkilati mutexesislirining wuxen wirusi(Kovid-19)  heqqide xitaydin téximu köp melumat telep qiliwatqanliqini xewer qildi.

ispaniyening« a b s» géziti, kataloniyede ötküzülgen saylamlarda bölünüsh terepdarlirining ghelibe qilghanliqini xewer qildi.

argéntinada chiqidighan «klarin géziti» (Clarín ), argéntinaning sabiq pirézidénti karlos menem (Carlos Menem) ning méyitining, san jasto musulmanlar qebristanliqigha depne qilinghanliqini xewer qildi.

«eddestur géziti», tunji qétim otturigha chiqishtin burun 13 xil wuxen wirusining bayqalghanliqini, dunya sehiye teshkilatining buningdin chöchügenlikini xewer qildi.

«erraye elqatariyye géziti», dunya sehiye teshkilati tereqqiy qiliwatqan döletlerde astrazénéka (AstraZeneca) waksinasining emlinishini testiqlighanliqini xewer qildi.

«elquddus elerebi géziti», qatar tashqi ishlar ministirining yadro kélishimi sewebidin otturigha chiqqan ixtilaplar kölenggiside iranni ziyaret qilghanliqini xewer qildi.

firansiyede chiqidighan «lé parisiyin géziti» (Le Parisien), amérika muawin pirézidénti kaméla xaris bilen firansiye pirézidénti makronning wuxen wirusigha qarshi «yéqin hemkarliq» ni qollaydighanliqini xewer qildi.

«rasha tédéy» géziti (Russia Today), rusiye parlaménti dumaning xamchot we baj komitétining, kripto pul organliri bilen béjirilgen resmiyetlerdin baj élish teklip qilinghan qanun layihesini testiqlighanliqini xewer qildi.

rusiyening «tas agéntliqi», rusiye bilen amérikaning ottura sherqte pelestin-isirailiye mesilisini hel qilishta hemkarlishaydighanliqini xewer qildi.

xewerde, ikki dölet tashqi ishlar ministirliqi mesullirining mezkur mesile toghrisida téléfonda körüshkenliki qeyt qilindi.

rusiyening «lénta.ru» tori (Lenta.ru), rusiye pirézidénti putinning hökümetke wuxen wirusi waksinalirining yéngi tür wiruslargha qarshi ünümini analiz qilishi toghrisida yolyoruq chüshürgenlikini xewer qildi.