19.01.2021

türkiye awazi radiyosi: gérmaniyening «t-onlayn» tori (t-online.de), gérmaniye tashqi ishlar ministiri hayko maasning türkiye bilen bolghan munasiwetlerde yéngi bashlanghuchni ümid qilghanliqini éytqanliqini xewer qildi.

gérmaniyening «bild.dé» tori (Bild.de), gérmaniye bash ministiri angéla mérkélning bügün (2021-yili 19-yanwar) chüshte her qaysi ishtatlarning bash miinstirliri bilen körüshüp, wuxen wirusigha qarshi yolgha qoyulidighan yéngi tedbirlerni muzakire qilidighanliqini xewer qildi.

gérmaniyening «shpiygél.dé» tori (Spiegel.de), mutexesislerning hökümettin téximu qattiq wuxen wirusi tedbirlirini yolgha qoyushni telep qiliwatqanliqini xewer qildi.

gérmaniye awazi radiyosi, bawariye ishtatida wuxen wirusining yéngi türining bayqalghanliqini xewer qildi.

ispaniyede chiqidighan «él pais géziti» (El País), ispaniye sanaet we sayahet ishliri ministiri réyés maroto (Reyes Maroto) ning, wuxen wirusigha qarshi waksina emletkenler üchün «waksina pasporti» chiqirilishining, sayahetchilikni tekrar janlandurushi mumkinlikini éytqanliqini xewer qildi.

chilida chiqidighan «la térséra géziti» (La Tercera), wuxen wirusining biraziliyede bayqalghan türining, engliye we jenubiy afriqada bayqalghan türi bilen oxshashliqini؛ hemmisining téz tarqilidighanliqini xewer qildi.

«elquddus elerebi géziti», isirailiye hökümitining rusiyede yasalghan waksinani pelestin zéminigha kirgüzüshni qobul qilghanliqini xewer qildi.

«eddestur géziti», wuxen wirusi sewebidin 13-16-mayda singaporda échilidighan dunya iqtisad munbiri (dawos yighini) de, hazirqi iqtisadiy, muhit, ijtimaiy we téxnologiyelik qiyinchiliqlarning muzakire qilinidighanliqini xewer qildi.

bélgiyede chiqidighan «löswa géziti» (Le Soir), amérika pirézidénti trampning bezi yawropa döletliri we biraziliyege qarita wuxen wirusi sewebidin yolgha qoyulghan sayahet cheklimisini emeldin qaldurghanliqini jakarlighanliqini, emma ete wezipe tapshuruwalidighan jo baydin hökümitining bolsa, cheklimining dawamlishidighanliqini bildürgenlikini xewer qildi.

«24-frans» qanili, wuxen wirusigha qarshi turush ramkisida taqalghan, parizhdiki disnéylend baghchisi (Disneyland) ning échilishining 23-féwral (2021) din 2-aprélgha kéchiktürülgenlikini xewer qildi.

rusiyening intérfaks agéntliqi (İnterfax)  gérmaniyedin rusiyege qaytqan öktichi alékséy nawalniy (Aleksey Navalnıy) ning 15-féwral (2021) ghiche tutup turulidighanliqini élan qildi.

rusiyening «kommérsant géziti» (Kommersant), gérmaniyening amérikaning «2-shimaliy éqim» turuba yoligha qarshi émbargo qoyghanliqi toghrilighanliqini xewer qildi.

«izwéstiya géziti» (İzvestiya), italiyening rusiyediki bash elchisining, rusiyede yasalghan «Sputnik V» waksinasini emletkenlikini we héchqandaq eks tesir körülmigenlikini bildürgenlikini xewer qildi.