07.01.2021

gérmaniyening «‹Bild.de› xewerler tori», amérika pirézidénti donald trampning qollighuchilirining dölet mejlisi binasigha bésip kirgenliki we bezi amérika palata ezalirini dumbalashqa urunghanliqini xewer qildi.

gérmaniyening ‹Sueddeutsche.de› xewerler tori», amérikida yüz bergen weqelerde töt kishining qaza qilghanliqini xewer qildi.

«gérmaniye awazi radyosi», gérmaniye hökümitining  tünügün kowid-19 yuqumigha qarshi maqullanghan qattiq qararlar dairiside mektep we yeslilerning taqilishi tenqid qilinghanliqigha qarita «mekteplerni taqash kérek idi» déyish arqiliq özini aqlighanliqini xewer qildi.

firansiyening «‹France 24› téléwiziye qanili», kowid -19 waksinasini emleshte gollandiyening yawropa ittipaqi boyiche eng axirqi dölet bolghanliqini xewer qildi.

firansiyening «‹lé figaro›  géziti, yawropa ittipaqining kowid-19 gha qarshi modérna waksinisini testiqlighanliqini xewer qildi.

iyordaniyede chiqidighan «‹eddustur› géziti»,  london dairilirining «gén özgirishige uchrighan téz tarqilishchan yéngi kowid-19 wirusining waksinigha berdashliq bérelmeydighanliqi heqqidiki bayanatlirini xewer qildi.

qatarda chiqidighan «‹errayel qeteriyye› géziti», amérikida prézidént donald trampning qollighuchilirining dölet mejlisi binasigha hujum qilghanliqini we saqchilarning oq chiqarghanliqini xewer qildi.

«‹elyowm› géziti», saylanghan pirézidént jo baydénning dölet mejlisi binasigha bésip kirgen trampning qollighuchilirini eyiblep: «démokratiyege misli körülmigen hujum» dégenlikini xewer qildi.

ispaniyede chiqidighan «‹La Vanguardia› géziti», yawropa ittipaqining özini wénézuélaning waqitliq prézidénti dep jakarlighan juan guydoning prézidéntliqini étirap qilishni jo baydénning wezipige olturishini kütmestinla toxtatqanliqini xewer qildi.

kubada chiqidighan «‹Prensa Latina › géziti», kowid -19 sewebidin méksikaning paytexti méksika shehiride doxturxanilarning tolup kétish nisbitining %83 ke yetkenlikini xewer qildi.

argéntinada chiqidighan «‹ Infobae › géziti», amérika dölet mejlisi binasigha hujum qilish weqeside 4 kishining qaza qilghanliqini we 14 saqchining yarilanghanliqini xewer qildi.

rusiyening «‹TASS› agéntliqi, rusiye prézidénti wiladimir putinning hayatigha xewp yétidighan késelliklerge giriptar bolghan ösmürlerge yardem qilish meqsitide  «yaxshiliq chembiriki» namliq qondi jemiyetning qurulushini testiqlighanliqini xewer qildi.

rusiyening «<Lenta.ru> xewerler tori», kamchatka yérim arilida sayahetchilerning muz astida qalghanliqini, weqede 1 kishi qaza qilip, 3 sayahetchining yarilanghanliqini xewer qildi.

rusiyede chiqidighan «<RBK > xewerler tori», amérika déngiz armiyesige tewe urush paraxotlirining rusiyening shimaliy qutubidiki chégralarda charlash élip baridighanliqini xewer qildi.