tenterbiyede türk ayalliri

türkiyede ayallarning jumhuriyetning qurulushi bilen birlikte tenterbiye turmushigha qedem basqanliqini anglighanmidingiz?

atatürkning türk tenterbiyesige qoshqan eng muhim töhpilirining biri ayal tenheriketchilerdur. türk ayalliri atatürkning islahatliri we éniq körsetmiliri sayisida özining türk tenterbiyesidiki ornini aldi. er tenheriketchilerning qizliri, acha-singilliri, hetta ayalliri bilen bashlanghan bu urunushlar, qisqa waqit ichide keng amma arisigha kéngeydi.

yénik atlétika we ténnis top saheside özini namayan qilishqa bashlighan türk ayalliri, 1926-yili tunji qétim yénik atlétika meydanida musabiqige chüshti. yénik atlétika we ténnis top bilen tenterbiye saheliride körülüshke bashlighan ayallar, kéyinche qolwaq, qilichwazliq we su üzüsh türliridimu özini körsitishke bashlidi. olimpik tenheriket musabiqisige türkiyege wakaliten qatnashqan tunji ayal tenheriketchiler 1936-yilliq yazliq olimpik tenheriket musabiqisining qilichwazliq türige qatnashqan suat fetgeri bilen halet chambel boldi. 1992-yildiki barsélona olimpik tenheriket musabiqisige qatnashqan judo mahiri hülya shenyurt üchinchilikke ériship, olimpik tenheriket musabiqiside médalgha érishken tunji türk ayal tenheriketchisi bolup qaldi. 2004-yildiki atina olimpik tenheriket musabiqisining éghirliq kötürüsh türige qatnashqan nurjan taylan türkiyening altun médalgha érishken tunji ayal tenheriketchisi süpitide tarix sehipiliridin orun aldi. tokyo 2020 olimpik tenheriket musabiqiside türkiye ayal tenheriketchiliri tarixtin buyanqi eng chong utuqni qolgha keltürüp, 1 altun, 1 kümüsh we 3 mis médalgha érishti.