یوکرین: صدر ایردوان ایک عظیم کردار ہیں

یوکرین کے وزیر خارجہ دمترو کولیبا نے کہا ہے کہ "صدر ایردوان ایک عظیم کردار ہیں جنہیں نہ صرف ہمارے علاقے میں بلکہ دنیا بھر میں احترام کی نگاہ سے دیکھا جاتا ہے"۔

دمترو کولیبا نے پولینڈ کے دارالحکومت وارسا میں منعقدہ آن لائن اجلاس میں اخباری نمائندوں کے سوالات کے جواب دیئے۔

اس سوال کے جواب میں  کہ "اگر یوکرین اور روس مذاکراتی میز پر واپس آتے ہیں تو کیا یہ مذاکراتی مرحلہ مارچ 2022 کی طرح استنبول میں جاری رکھا جا سکتا ہے؟"

کولیبا نے کہا ہے کہ "اس وقت تک صرف ترکیہ ہی، روسی اور یوکرینی فریقین  کے درمیان گفت و شنید کا اہتمام کر سکا ہے اور یہ بات چیت جنگ کے ابتدائی مراحل میں طے پائی  تھی"۔

کولیبا نے کہا ہے کہ فروری 2022 سے لے کر اب تک ہم نے جنگ کے خاتمے کے خواہش مند کسی بھی ملک کی پیشکش مسترد نہیں کی۔ صدر ایردوان ایک عظیم کردار ہیں جنہیں ہمارے علاقے میں ہی نہیں پوری دنیا میں احترام کی نگاہ سے دیکھا جا تا ہے"۔