" ماسکو حملہ"137 ہلاکتیں،11 ملزمان حراست میں
ماسکو میں کروکس بلدیہ کی عمارت میں گزشتہ جمعے کے روز ہوئے دہشتگردانہ حملے میں ہلاک ہونے والوں کی تعداد 137 ہو گئی ہے جبکہ حملے میں ملوث 11 مشتبہ افراد میں سے چار کو ماسکو کی ایک عدالت میں جج کے سامنے پیش کیا گیا
روسی دارالحکومت ماسکو میں کروکس بلدیہ کی عمارت میں گزشتہ جمعے کے روز ہوئے دہشتگردانہ حملے میں ہلاک ہونے والوں کی تعداد 137 ہو گئی ہے ۔
روسی تحقیقاتی کمیٹی نے اس بات کی تصدیق کر دی ہے ۔
کمیٹی کے بیان میں بتایا گیا ہے کہ جائے واقعہ پر تفتیشی عمل جاری ہے جبکہ اب تک 62 نعشوں کی شناخت ہو چکی ہے۔
اس دوران اس حملے میں ملوث 11 مشتبہ افراد میں سے چار کو ماسکو کی ایک عدالت میں جج کے سامنے پیش کیا گیا۔
تاجک نژاد ملزمان دلیر جان مرزائیف،سعدی اکرم مراد علی رجب علی زادہ ، فریدونی شمس الدین اور محمد صابر فائزوف کو 22 مئی تک جیل میں رکھنے کا حکم سنایا گیا ہے ۔
بتایا گیا ہے کہ فائزوف کو وہیل چیئر پر عدالت سے لے جایا گیا جبکہ باقی تین ملزمان کے چہروں پر بھی سوجن اور مار کے نشان موجود تھے۔
متعللقہ خبریں
یورپی یونین: منجمد روسی اثاثوں کی آمدنی یوکرین کے دفاع میں استعمال کی جائے گی
روسی اثاثوں کی آمدنی کو یوکرین کی بحالی و دفاع کے کاموں میں استعمال کیا جائے گا: یورپی یونین