مارچ سے ترک شہری بلا ویزہ ہمارے 10جزائر کی سیر کر سکِں گے:میچوتاکیس
میچوتاکیس نے یقین ظاہر کیا کہ یہ معاہدہ مستقل بنیادوں پر طے ہو سکتا ہے جس کے نتیجے میں ترک سیاح موسم گرما اور بہار میں دس جزائر کی سیر بلا ویزہ کر سکیں گے
2087209
یونانی وزیراعظم کریا کوس میچوتاکس نے کہا ہے کہ ترک شہریوں کےلیے یونانی جزائر کی بلا ویزہ سیاحت کا آغاز مارچ سے ہو جائے گا۔
یونان کے سرکاری ٹی وی چینل ERT سے گفتگو کے دوران یونانی وزیراعظم نے اس بات کا اظہار کیا ۔
انہوں نے کہا کہ اس وقت ترکیہ اور یونان کے درمیان تعلقات معمول کے مطابق ہیں، ترک شہریوںکے لیے ہمارے دس جزائر کی بلا ویزہ سیاحت کا آغاز مارچ سے ہوگا۔
میچوتاکیس نے یقین ظاہر کیا کہ یہ معاہدہ مستقل بنیادوں پر طے ہو سکتا ہے جس کے نتیجے میں ترک سیاح موسم گرما اور بہار میں دس جزائر کی سیر بلا ویزہ کر سکیں گے۔
میچوتاکیس نے مزید کہا کہ ترکیہ اور یونان کے مابین تجارتی فروغ کےلیے مکالمت کو فروغ دیا گیا ہے جبکہ غیر قانونی ہجرت کو روکنے کےلیے بھی تعاون بڑھایا گیا ہے۔
