کریمیا پر یوکرین کے میزائل حملوں کی کوشش ناکام

روسی وزارت دفاع کا کہنا ہے  یوکرین نے جزیرہ نما کریمیا پر گائیڈڈ میزائلوں سے حملہ کیا ہے۔

وزارت کی جانب سے جاری بیان میں کہا گیا ہے۔"4 جنوری کو، ماسکو کے وقت کے مطابق تقریباً 5 بجکر 20 منٹ پر ، کیف حکومت کی طرف سے روسی سرزمین پر طیارے  پر نصب  میزائلوں کے ذریعے اہداف پر دہشت گردانہ حملہ کرنے کی کوشش کو ناکام بنا دیا گیا ہے۔"

بیان میں کہا گیا کہ روس کے فضائی دفاعی نظام نے جزیرہ نما کریمیا پر یوکرین کے 10 میزائلوں کو تباہ کر دیا۔

فروری 2022 میں یوکرین کے ساتھ جنگ چھیڑنے والے روس نے 2014 میں کریمیا کاغیر قانونی طور پر الحاق کر لیا تھا۔