جرمنی کی مساجد کو حقارت آمیز مکتوب

جرمنی کے دارالحکومت برلن میں مذہبی امور ترک اسلامک یونین سے منسلک 3 مساجد کو نسل پرستی اور مسلمانوں کی مقدس چیزوں کی توہین پر مشتمل لفافے بھیجے گئے ہیں ۔

برلن اسٹیٹ یونین کے صدر یعقوب  عیار نے کہا کہ نسل پرستانہ تحریروں والے لفافے کوکا سینان مسجد، عثمان غازی مسجد اور مرادیہ مسجد کو ڈاک کے ذریعے بھیجے گئے  ہیں ۔

عیار نے کہا کہ لفافوں میں ایسے کاغذات ملے ہیں جن پر نسل پرستانہ تاثرات اور توہین آمیز الفاظ کے ساتھ ساتھ جلے ہوئے قرآن کے صفحات اور سور کا گوشت بھی  موجود ہے ۔