یوکرینی شہریوں کو یورپی یونین نے 3 مارچ 2025 تک اپنے ممالک میں رپنے کی اجازت دے دی
یورپی یونین میں تقریباً 40 لاکھ یوکرینی باشندے ہیں اور یہ تعداد کافی عرصے سےبرقرار ہے
یورپی یونین نے جنگ سے فرار ہونے والے یوکرینی باشندوں کو عارضی تحفظ فراہم کرنے والے یورپی یونین کے عارضی تحفظ کی ہدایت کی معیاد کو ایک سال تک بڑھانے کا فیصلہ کیا ہے۔
یورپی یونین کونسل کی طرف سے دیے گئے تحریری بیان میں بتایا گیا ہے کہ یورپی یونین کے وزرائے داخلہ کل ایک اجلاس میں یورپی یونین کمیشن کی جانب سے یوکرینی باشندوں کو فراہم کیے جانے والے عبوری تحفظ کی مدت میں 4 مارچ 2024 سے 3 مارچ 2025 تک توسیع کرنے کی تجویز قبول کر لی گئی ہے۔
وزرائے داخلہ کی میٹنگ کے بعد پریس کو دیے گئے اپنے بیان میں داخلی امور کی ذمہ دار یورپی یونین کمیشن کی رکن یلوا جوہانسن نے کہا کہ یورپی یونین میں تقریباً 40 لاکھ یوکرینی باشندے ہیں اور یہ تعداد کافی عرصے سےبرقرار ہے۔
جوہانسن نے کہا کہ یہ لوگ لیبر مارکیٹ میں کامیابی کے ساتھ ضم ہو گئے ہیں۔
اس بات کی نشاندہی کرتے ہوئے کہ تقریباً 250اڑھائی لاکھ افراد ہر ہفتے یورپی یونین-یوکرین کی سرحد عبور کرتے ہیں، جوہانسن نے کہا کہ یہ تعداد دونوں سمتوں میں تقریباً یکساں ہے۔
جنگ کے آغاز کے بعد (فروری 2022)، یورپی یونین نے پہلی بار یورپی یونین کے عارضی تحفظ کی ہدایت کو فعال کیا کیونکہ فرار ہونے والوں کی تعداد میں تیزی سے اضافہ ہوا تھا۔
اس تناظر میں، یوکرینی باشندے یورپی یونین کے ممالک میں رہائشی اجازت نامہ حاصل کر سکتے ہیں، تعلیم اور صحت کی خدمات سے مستفید ہو سکتے ہیں، اور ملازمت کر سکتے ہیں۔
یوکرینی باشندوں کو سماجی بہبود، رہائش اور روزی روٹی کی امداد جیسے مواقع بھی فراہم کیے جاتے ہیں۔
