جرمن چانسلر اولاف شولز کاجی 20 ممالک کےجوہری ہتھیاروں کے استعمال کے خلاف عزم پراطمینان کا اظہار

جرمن چانسلر اولاف شولز نے اس بات پر اپنے بڑے اطمینان کا اظہار کیا کہ جی 20 ممالک نے ایک بار پھر جوہری ہتھیاروں کے استعمال کے خلاف واضح عزم کا اظہار کیا ہے۔

شولز نے ہندوستان میں منعقدہ جی 20 لیڈرس سمٹ کے بعد اپنی پریس کانفرنس میں کہا کہ یہ واضح پیغام دیا گیا ہے کہ یوکرین کی علاقائی سالمیت ناقابل اعتراض ہے۔

انہوں نے کہا کہ مجھے اس بات کی بھی بہت خوشی ہے کہ یہاں ایک بار پھر جوہری ہتھیاروں کے استعمال کے خلاف واضح عزم کا اظہار کیا گیا ہے۔

شولز نے اس بات پر زور دیا کہ یورپی، امریکی، ایشیائی اور افریقی ممالک میں ایک نیا اتحاد قائم ہوا ہے۔

انہوں نے کہا کہ میرے خیال میں یہ اچھے نتائج ہیں جو اس سربراہی اجلاس کے لیے ریکارڈ کیے جاسکتے ہیں۔ اس تعاون نے یہ ثابت کیا ہے کہ روس، عالمی رائے عامہ، روسی پالیسی کے متشدد اصولوں کو درست نہیں سمجھتی اور اسے قبول کرنا ہوگا۔