کریمیا میں ڈرونز سے حملے کی کوشش ناکام بنا دی گئی

روس کے الحاق شدہ علاقے کریمیا  پر  حملوں میں گیارہ ڈرونز مار گرائے گئے جبکہ اسلحےکے ایک گودام پر ڈرونز سے حملہ کیا گیا ۔

 کریمیا کی نام نہاد انتظامیہ کے سربراہ سرگی اکسینوف نے سوشل میڈیا پر بتایا کہ  علاقے میں گیارہ ڈرونز کو مار گرایا گیا ہے جبکہ ایک ڈرون نے  جان کوئے میں واقع اسلحے کے گودام کو نشانہ بنایا جس سے ایک مکان کو نقصان پہنچا ہے ۔

اکسینوف نے یہ بھی بتایا کہ قریبی دیہاتوں سے عوام کو محفوظ مقامات پر منتقل کر دیا گیا ہے ۔