یونان کے قریب غرقاب ہونے والی تارکین وطن کی بوٹ کے بارے میں بی بی سی کا انکشاف

اس بات کا تعین ہوا ہے کہ یونان کی سمندری حدود میں ڈوبنے والی بوٹ ،  کہ جس پر سوار غیر قانونی تارکین وطن کی ایک کثیر  تعداد ہلاک ہو گئی تھی ، حادثے سے قبل تقریباً 7 گھنٹے تک سمندر میں کھڑی رہی تھی۔

بی بی سی کو جہاز سے باخبر رہنے والی عالمی انٹیلی جنس سائٹ میرین ٹریفک سے حاصل کیے گئے مانیٹرنگ ڈیٹا کے مطابق یونانی حکومت کے دعوے کے برعکس 78 افراد کے جان دینے والی یہ بوٹ  تقریباً 7 گھنٹے تک سمندر میں بلا حرکت کھڑی رہی۔

یونانی کوسٹ گارڈ نے دعویٰ کیا تھا کہ حادثے  کے وقت کشتی اٹلی کی جانب رواں دواں تھی جب کہ اس سے مدد کے لیے کوئی کال نہیں آئی تھی اور آخری لمحے تک  بوٹ پر  سوار افراد کو کوئی خطرہ نہیں تھا۔

بی بی سی کے اس دعوے پر یونان نے فی الحال  کوئی جوابی بیان جاری نہیں کیا۔

14 جون کو، غیر قانونی تارکین وطن کو لے جانے والی ماہی گیری بوٹ  یونانی جزیرے ناوارینو سے 47 میل کے فاصلے پر بین الاقوامی پانیوں میں الٹ گئی تھی۔

اس واقعے میں 78 افراد جان کی بازی ہار گئے اور 104 افراد کو بچا کر کالامتا بندرگاہ لے جایا گیا۔

اقوام متحدہ کے ہائی کمشنر برائے انسانی حقوق وولکر ترک نے اعلان کیا  تھاکہ کشتی الٹنے کے بعد خواتین اور بچوں سمیت 500 افراد لاپتہ ہو گئے ہیں۔