قرآن کریم کو شہید کرنے کا ارادہ ہونے والے راسموس پالودان کو برطانیہ نے ملک میں داخلے سے روک دیا

برطانیہ نے سویڈن اور ڈنمارک میں قرآن کو جلا کر اشتعال انگیزی کرنے والے انتہائی دائیں بازو کے سیاست دان راسموس پالودان کے برطانیہ میں داخلے پر پابندی عائد کر دی۔

پالودان نے اتوار کو ایک بیان دیا  تھا کہ  وہ 22 مارچ کو انگلینڈ کے ویک فیلڈ  شہر کو جاتے ہوئے  قرآن کریم کو  نذرِ آتش کریں گے۔

لیبر پارٹی کے رکن پارلیمنٹ سائمن لائٹ ووڈ نے گزشتہ روز برطانوی پارلیمنٹ میں رمضان کی آمد اور راسموس پالودان کے بیانات کی طرف توجہ مبذول کرائی تو برطانوی وزیرِ سلامتی ٹام ٹگینڈہاٹ نے آڑے ہاتھوں لیتے ہوئے کہا، “پالودان کو وارننگ لسٹ میں شامل کر دیا گیا ہے، اس لیے اس کا  برطانیہ کا سفر عوامی مفاد میں نہیں ہوگا اور اس کے داخلے کی اجازت نہیں ہوگی۔

سائمن لائٹ ووڈ نے کہا، "جب میں نے انتہائی دائیں بازو کے راسموس پالودان کے ویک فیلڈ آنے کے منصوبوں کے بارے میں سنا تو میں واقعی پریشان تھا۔ مجھے یہ سن کر خوشی ہوئی کہ حکومت نے میری اپیل  کان دھرے اور  اسے ملک میں داخل ہونے سے روک دیا ۔"