روسی میزائلوں نے ہماری فضائی حدود کی خلاف ورزی کی ہے: مالدووا
مایا ساندو نے دارالحکومت کشینیف میں منعقدہ پریس کانفرنس کے دوران موجودہ صورت حال کے بارے میں اظہار خیال کرتے ہوئے کہا کہ روس کے یوکرین کے شہریوں پر میزائل حملے قابل مذمت اور جنگی جرائم کے مترادف ہیں
1891591
مالدووا کی صدر مایا ساندو نے کہا ہے کہ روس نے یوکرین پر میزائل حملوں کے دوران ہماری فضائی حدود کی خلاف ورزی کی ہے۔
مایا ساندو نے دارالحکومت کشینیف میں منعقدہ پریس کانفرنس کے دوران موجودہ صورت حال کے بارے میں اظہار خیال کرتے ہوئے کہا کہ روس کے یوکرین کے شہریوں پر میزائل حملے قابل مذمت اور جنگی جرائم کے مترادف ہیں۔
ساندو نے کہا کہ روسی میزائلوں نے ہماری فضائی حدود کی خلاف ورزی کی ہے،مالدووا دیگر ممالک کی علاقائی سالمیت کا احترام کرتا ہے اور چاہتا ہے کہ روس بھی ہماری سرحدوں کا احترام کرے۔