نیدر لینڈ نے اومیکرون ویرئینٹ کے بر خلاف سفری اقدامات نافذ کر دیے
برطانیہ سمیت انتہائی خطرے والے ممالک سے ہالینڈ جانے والے مسافروں کے لیے 10 دن کا لازمی قرنطینہ نافذ کیا جائے گا
نیدرلینڈز میں کورونا وائرس کے خلاف جنگ کے اقدامات کے طور پر اومیکرون قسم کے پھیلاؤ پر قابو پانے کے لیے بعض سفری پابندیاں متعارف کرائی گئی ہیں۔
حکومت کی طرف سے دیے گئے بیان میں کہا گیا ہے کہ کوویڈ 19 کے اومیکرون قسم کے پھیلاؤ کو روکنے کے لیے اضافی اقدامات کیے گئے ہیں۔
اس کے مطابق، 22 دسمبر تک، 12 سال سے زیادہ عمر کے تمام مسافر جو یورپی یونین اور شینگن کے علاقے سے باہر سے نیدرلینڈز کا سفر کریں گے، انہیں پی سی آر ٹیسٹ کا منفی نتیجہ پیش کرنا ہوگا۔
ویکسینیشن پاسپورٹ کے حامل مسافروں کو بھی پرواز سے 48 گھنٹے پہلے منفی پی سی آر ٹیسٹ کا نتیجہ یا 24 گھنٹے قبل منفی اینٹیجن ٹیسٹ کا نتیجہ جمع کروانا ہو گا جب وہ شینگن علاقے سے باہر سے ہالینڈ کا سفر کریں گے۔
برطانیہ سمیت انتہائی خطرے والے ممالک سے ہالینڈ جانے والے مسافروں کے لیے 10 دن کا لازمی قرنطینہ نافذ کیا جائے گا۔
بہت زیادہ خطرے والے ممالک سے سفر کرنے والے مسافر لازمی قرنطینہ کریں گے چاہے ان کے پاس ویکسینیشن پاسپورٹ ہو۔
ولندیزی حکومت کی جانب سے جمہوریہ جنوبی افریقہ، بوٹسوانا، ایسواتینی، ملاوی، موزمبیق، نمیبیا اور زمبابوے پر اومیکرون قسم کی وجہ سے عائد سفری پابندی بدستور جاری ہیں۔
متعللقہ خبریں
یورپی یونین: ایران پر پابندیاں لگائی جائیں گی
یورپی یونین کا فیصلہ، اسرائیل پر حملے کی وجہ سے ایران پر پابندیاں لگائی جائیں گی