بلغاریہ میں مسافر بس کو ہولناک حادثہ، 46 افراد جھلس کر ہلاک
بوسنیک نامی گاؤں کے جوار میں ایک مسافر بس سڑک کنارے کی ایک رکاوٹ سے ٹکرانے کے بعد آگ کے شعلوں میں لپٹ گئی
1737345
بلغاری دارالحکومت صوفیا کے مغربی علاقے میں شمالی مقدونیہ سے آنے والی ایک بس میں آگ بھڑک اٹھنے سے ابتدائی معلومات کے مطابق 46 افراد جھلس کر دم توڑ گئے۔
نووا نجی ٹیلی ویژن کی خبر کے مطابق بوسنیک نامی گاؤں کے جوار میں ایک مسافر بس سڑک کنارے کی ایک رکاوٹ سے ٹکرانے کے بعد آگ کے شعلوں میں لپٹ گئی۔
اسٹورما شاہراہ پر پیش آنے والے اس المناک حادثے میں ابتدائی معلومات کے مطابق 12 بچوں سمیت 46 مقدونین شہری ہلاک ہو گئے ۔ 7 زخمیوں کو صوفیا کے اسپتال میں زیر ِ علاج لے لیا گیا ہے۔