فوج حکومت کا تختہ الٹنے والوں کے خلاف کاروائی کرے: لوکاشینکو
بیلاروس کے صدر الیکسانڈر لوکاشینکو نے ملکی فوج کو حکم دیا ہے کہ وہ حکومت کا تختہ الٹنے کی کوشش کرنے والوں کے خلاف سخت کارروائی کرے
1477378
بیلاروس کے صدر الیکسانڈر لوکاشینکو نے ملکی فوج کو حکم دیا ہے کہ وہ حکومت کا تختہ الٹنے کی کوشش کرنے والوں کے خلاف سخت کارروائی کرے۔
بیلاروس کے مغربی شہر گرودنو میں واقع ایک فوجی چھاؤنی میں عسکری دستوں سے اپنے خطاب میں لوکاشینکو نے کہا کہ غیر ملکی طاقتیں ملک میں ’انقلاب‘ لانے کی کوشش میں ہیں۔
پینسٹھ سالہ سیاستدان نے فوج سے کہا کہ وہ ملکی خود مختاری اور سالمیت کی حفاظت کرتے ہوئے ان سازشوں کو ناکام بنا دے۔
ادھر حزب اختلاف کی خاتون رہنما سَویتلانا تیخانوفسکایا نے کہا ہے کہ بیلاروس کے عوام لوکاشینکو کو کبھی بھی صدر تسلیم نہیں کریں گے۔
انہوں نے عوام پر زور دیا کہ وہ اس روس نواز صدر کے خلاف اپنی سیاسی جدوجہد جاری رکھیں۔