برطانوی نجی ریڈیو اسٹیشنز پر شہدا کی یاد میں مشترکہ اذان
شہدا کے لواحقین اور تمام تر مسلم اُمہ کے اس غم میں برابر میں شریک ہونے کا اظہار
1168999
برطانوی نجی ریڈیو اسٹیشنوں نے نیو زی لینڈ میں شہید ہونے والوں کی یاد میں یکجہتی کا اظہار کیا ہے۔
مورخہ 22 مارچ کو 16 ریڈیو اسٹیشنز نے آج صبح سوا آٹھ بجے بیک وقت مشترکہ طور پر اذان نشر کی، اس سے پیشتر شہدا کے لواحقین اور تمام تر مسلم اُمہ کے اس غم میں برابر میں شریک ہونے کا اظہار کیا گیا۔
مقامی عوام کے لیے اذان کا انگریزی ترجمہ بھی پیش کیا گیا۔ اس اہم کاوش کا اہتمام کرنے والے ریڈیو اسٹیشنز: لنک ایف ایم، انسپائر ایف ایم، سلام ریڈیو، آواز ایف ایم(گلاسگو، ساوتھ ہمپٹن)، کریسنٹ کمیونیٹی ریڈیو، بریڈ فورڈ ایشین ریڈیو، آواز ایف ایم (نیلسن)، ریڈیو اخلاص، ریڈیو فضا، سی وی ایف ایم، ریڈیو ڈان، فیور ایف ایم، یونیٹی ایف ایم اینڈ ریڈیو سنگھم۔
