یونان کے وزیر اعظم کیاراکوس  میتچو تاکیس  کل ترکیہ کے دورے پر تشریف لا رہے ہیں

یونان کے وزیر اعظم کیاراکوس  میتچو تاکیس  کل ترکیہ کے دورے پر تشریف لا رہے ہیں۔

صدر رجب طیب ایردوان دارالحکومت انقرہ میں وزیراعظم  میتچو تاکیس کا خیر مقدم کریں گے۔  سفارتی ذرائع سے حاصل کردہ  معلومات کے مطابق  وزیراعظم میتچو تاکیس کے دورے کا  مقصد تعلقات کے مختلف شعبوں بالخصوص معیشت، ٹرانسپورٹیشن، سائنس و ٹیکنالوجی، زراعت اور سیاحت میں مشترکہ ایکشن پلان کو جاری رکھنا ہے۔

توقع ہے کہ ویزہ کے آسان طریقہ کار، غیر قانونی امیگریشن اور دہشت گردی کے خلاف جنگ کے معاملات بھی اجلاس میں ایجنڈے پر لائے جائیں گے۔