وزیرخارجہ حقان فیدان کا برسلز میں دو طرفہ مذاکرات کا سلسلہ جاری

نیٹو کے وزرائے خارجہ کا اجلاس برسلز میں اتحاد کی 75ویں سالگرہ کے موقع  پر منعقد ہوا ہے۔

اجلاس کے دوسرے دن کا اہم ایجنڈا جس میں وزیر خارجہ حقان  فیدان نے شرکت کی، وہ یوکرین ہے۔

نیٹو یوکرین کونسل کے اجلاس میں شرکت کرنے والےحقان  فیدان نے برسلز میں اپنے رابطوں کے ایک حصے کے طور پر جرمن وزیر خارجہ اینالینا بیئربوک اور ڈچ وزیر خارجہ ہانکے بروئنز سلاٹ سے الگ الگ ملاقات کی۔

حقان  فیدان امریکی وزیر خارجہ انٹونی بلنکن سے بھی ملاقات کریں گے۔

وزیر فیدان نے گزشتہ روز یونان، فن لینڈ، جنوبی کوریا اور بلغاریہ کے وزرائے خارجہ کے ساتھ دو طرفہ ملاقاتیں کی تھیں۔

حقان فیدان نے یونان، فن لینڈ، جنوبی کوریا اور بلغاریہ کے وزرائے خارجہ کے ساتھ دو طرفہ ملاقاتیں کی ہیں ۔

فیدان کی یونانی وزیر خارجہ Yorgos Ierapetritis سے ملاقات کے دوران دو طرفہ اور علاقائی امور پر تبادلہ خیال کیا گیا۔

دونوں وزراء نے مئی میں یونانی وزیر اعظم کریا کوس میتچوتاکیس  کے ترکیہ کے دورے کی تیاریوں کے بارے میں بھی بات کی۔

فیدان نے اپنی فن لینڈ کی ہم منصب ایلینا والٹنن کے ساتھ دہشت گردی کے خلاف جنگ اور سلامتی کے شعبے میں تعاون بالخصوص ترکیہ-فن لینڈ-سویڈن سہ فریقی مفاہمت کی یادداشت پر عمل درآمد جیسے امور پر تبادلہ خیال کیا۔

ملاقات کے دوران غزہ کی تازہ ترین صورتحال کا جائزہ لیا گیا اور علاقائی کشیدگی  کو کم کرنے کی ضرورت پر زور دیا گیا۔

دونوں وزراء نے ترکیہ اور فن لینڈ کے سفارتی تعلقات کے قیام کی 100ویں سالگرہ کے موقع پر تمام شعبوں میں دوطرفہ تعاون کو مزید گہرا کرنے کی اپنی خواہش کا اعلان کیا۔

حقان   فیدان کی جنوبی کوریا کے وزیر خارجہ Cho Tae-yul کے ساتھ ملاقات کے دوران، ایشیا پیسفک خطے میں ہونے والی پیش رفت اور جزیرہ نما کوریا کی صورتحال پر تبادلہ خیال کیا گیا۔

فیڈان اور چو نے جولائی میں دستخط کیے گئے "روڈ میپ فار ڈائنامک ترکیہ-کوریا ریلیشنز" کی بنیاد پر دو طرفہ تعاون کے امور پر تبادلہ خیال کیا، خاص طور پر دفاعی صنعت، معیشت اور توانائی کے شعبوں پر بات کی۔

وزیر خارجہ  فیدان نے بلغاریہ کی نائب وزیر اعظم اور وزیر خارجہ ماریہ گیبریل سے بھی ملاقات کی۔