ترک مسلح افواج کا دہشت گرد تنظیموں کے خلاف آپریشن جاری

ترک مسلح افواج عزم کے ساتھ دہشت گرد تنظیموں کے خلاف اپنی جنگ جاری رکھے ہوئے  ہے۔

وزارت قومی دفاع (MSB) نے دہشت گردی کے خلاف جنگ کے حوالے سے معلومات فراہم کی ہیں ۔

اس کے مطابق گزشتہ ہفتے کے دوران 27 دہشت گردوں کو غیر فعال  کردیا گیا  ہے جبکہ   یکم جنوری 2024 سے اب تک 673 دہشت گردوں کو  غیر فعال  کیا گیا ہے، جن میں سے 280  کوعراق کے شمال میں اور 393 شام کے شمال میں غیر فعال کیا گیا ہے۔

بیان میں کہا گیا کہ شام میں سلامتی اور امن کے ماحول کو درہم برہم کرنے والوں  کے خلاف  ضروری کاروائی کی گئی ہے، استحکام برقرار رکھنے کے لیے تمام اقدامات کیے گئے اور شام کے باشندوں  کو  محفوظ ماحول میں واپسی کو یقینی بنانے کے لیے کوششیں جاری رہیں۔