ترک یونٹ کوسووا پہنچ گئی

کوسووا کے شمال میں جاری کشیدگی کی وجہ سے، نیٹو کی طلب پر متعین کی گئی، ترک یونٹ ملک میں پہنچ گئی ہے۔

نیٹو کی کوسووا امن فورس KFOR کے جاری کردہ بیان کے مطابق ترک یونٹ پہلے سے علاقے میں متعین اطالوی یونٹ کی جگہ سنبھالے گی۔

بیان میں کہا گیا ہے کہ "ترک یونٹ کی تعیناتی KFOR کے اس عزم کا اظہار ہے کہ علاقے میں تمام فرقوں کے لئے محفوظ ماحول اور نقل و حرکت کی آزادی کے لئے ہمیشہ غیر جانبدارانہ شکل میں کوششیں جاری رکھی جائیں گی"۔