وزیر دفاع عراق میں ،صدر اور وزیراعظم سے ملاقات

عراقی وزیر اعظم محمد شیاع صبار حاتم السودانی نے کہا کہ ترکیہ اور ان کے ملک کی سلامتی ایک دوسرے سے جڑی ہوئی ہے۔

 ال سوڈانی نے وزیر قومی دفاع یشار گولیر  کا استقبال کیا جو سرکاری دورے پر عراق میں تھے۔

عراقی وزیر اعظم کے دفتر اطلاعات  نے  بتایا  کہ ملاقات میں دونوں  ہمسایہ  ممالک کے درمیان تعلقات کو فروغ دینے کی اہمیت اور دونوں ممالک کی سلامتی اور استحکام میں  تعاون پر تبادلہ خیال کیا گیا۔

وزیر اعظم سوڈانی نے کہا کہ عراق اور ترکیہ کی سلامتی  ایک دوسرے سے منسلک  ہے ،سلامتی اور استحکام کی حمایت کے میدان میں دونوں ممالک کے درمیان زیادہ ہم آہنگی اور افہام و تفہیم کے لیے ان دوروں کی اہمیت  ضروری ہے۔

وزیر  دفاع اور ان کے ساتھ آنے والے وفد کا استقبال  عراقی صدر عبداللطیف محمد  جمال رشید  نے بھی  کیا۔

 بعد ازاں  انہوں نے وزیر برائے داخلہ امور عبد   الامیر  کامل شاماری سے ملاقات کی جس میں دو طرفہ علاقائی دفاع اور سلامتی کے امور پر تبادلہ خیال کیا۔

وزیر اور ان کے ہمراہ وفد بغداد میں اپنے رابطے مکمل کر کے اربیل روانہ ہو گئے ہیں۔