ترکیہ: صدر ایردوان کی سربیا اور مصر کے صدور کے ساتھ ملاقات

ترکیہ کے صدر رجب طیب ایردوان نے سربیا کے صدر الیگزینڈر ووجچ اور مصر کے صدر عبدالفتاح السیسی کے ساتھ الگ الگ ٹیلی فونک ملاقات کی ہے۔

ترکیہ صدارتی محکمہ اطلاعات کے جاری کردہ بیان کے مطابق ووجچ کے ساتھ ملاقات میں صدر ایردوان نے انہیں انتخابات میں کامیابی کی مبارکباد پیش کی۔

مذاکرات میں ترکیہ۔سربیا تعلقات اور علاقائی و عالمی موضوعات پر بات چیت کی گئی ہے۔

صدر ایردوان نے نئے دور میں بھی دونوں ممالک کے باہمی تعلقات اور تعاون  کے بتدریج تقویت کے ساتھ جاری رہنے کی امید ظاہر کی ہے۔

ایردوان۔السیسی مذاکرات میں بھی فلسطینی زمین پر جاری اسرائیلی حملوں اور غزّہ کے لئے انسانی امداد کی کوششوں پر بات چیت کی گئی ہے۔

مذاکرات میں صدر ایردوان نے کہا ہے کہ پائیدار فائر بندی کے لئے اسلامی ممالک کی شروع کی گئی کوششوں کو باہم متحد شکل میں جاری رکھنا نہایت اہمیت کا حامل ہے۔

صدر ایردوان نے دوبارہ عہدہ صدارت کے لئے منتخب ہونے پر صدر سیسی کو مبارکباد پیش کی اور نئے صدارتی دور کے ترکیہ۔مصر تعلقات کے حوالے سے خیر و برکت کا وسیلہ بننے کی تمّنا ظاہر کی ہے۔