ترک صدر کی نیٹو کے سیکرٹری جنرل سے بات چیت

صدر رجب طیب ایردوان نے نیٹو کے سیکرٹری جنرل جینز اسٹولٹن برگ سے ٹیلی فون پر بات چیت کی۔

ایوان صدر کے محکمہ اطلاعات کی طرف سے جاری کردہ بیان کے مطابق اس بات چیت  میں  غزہ کی تازہ ترین صورتحال، انسانی حقوق کی خلاف ورزیوں کو روکنے کے لیے کیا کرنے کی ضرورت اور معصوم شہریوں تک انسانی امداد کی بلاتعطل ترسیل پر تبادلہ خیال کیا گیا۔

ملاقات کے دوران صدر ایردوان نے کہا کہ مغربی ممالک کے رویوں سے غزہ میں انسانی حقوق کی خلاف ورزیوں میں اضافہ ہوا ہے۔

اس بات پر زور دیتے ہوئے کہ اسرائیل کو روکنے کی کوششوں میں ممالک کی ناکامی ناقابل تلافی نتائج کا باعث بنے گی، ایردوان نے کہا کہ مغرب اور عالمی رائے عامہ کو ہماری آنکھوں کے سامنے رونما ہونے والے اور نظر انداز کیے جانے والے انسانی المیوں کو ختم کرنے کے لیے جلد از جلد ایکشن لینا چاہیے۔