پی کےکے کا سویڈن میں پولیس نگرانی میں ترکیہ مخالف مظاہرہ

علیحدگی پسند دہشت گرد تنظیم PKK/YPG کے حامی سویڈن کے دارالحکومت سٹاک ہوم کے نورا بنٹورجٹ اسکوائر میں جمع ہوئے، ترکیہ مخالف نعرے لگا رہے تھے اور پولیس کی نگرانی میں دہشت گرد تنظیم کے لیے پروپیگنڈا کر رہے تھے۔

پی کےکے کے حامی نوررا بنٹورجٹ اسکوائر میں جمع ہوئے، تنظیم کے  لیڈر کا ایک پوسٹر لہرایا جس میں دہشت گرد تنظیم کی علامت تھی جس کے بعد  وہ  سویڈش پارلیمان کی طرف چل پڑے۔

نیٹو میں سویڈن کی رکنیت کے خلاف بینرز اٹھائے ہوئے PKK/YPG کے حامیوں نے ترکیہ اور صدر رجب طیب ایردوان کے خلاف نعرے لگائے۔

سویڈش پولیس نے اس بات کو یقینی بنانے کے لیے احتیاطی تدابیر اختیار کیں کہ دہشت گردوں کے حامی اپنا مارچ بغیر کسی رکاوٹ کے مکمل کر سکیں اور ٹریفک کے راستے پر آنے والی سڑکوں کو تھوڑی دیر کے لیے بند کر دیا۔

تیرہ  ستمبر کو سویڈش پارلیمان کے کھلنے کا فائدہ اٹھانے والے علیحدگی پسند دہشت گرد تنظیم کے حامیوں نے اپنے سوشل میڈیا اکاؤنٹس پر پارلیمان کے سامنے اپنے غیر قانونی  مظاہرے کو شیئر کیا۔

دہشت گرد تنظیم کے حامیوں کا ایک گروپ 25 ستمبر کو اسٹاک ہوم میں ترک سفارت خانے کے سامنے جمع ہوا اور PKK/YPG کی علامت والے کپڑے کے ایک ٹکڑے کو سامنے رکھ کر گایا اور اسے اپنے سوشل میڈیا اکاؤنٹس پر شائع کیا۔

دہشت گرد 30 ستمبر کو میڈبورگارپلاٹسن اسکوائر میں جمع ہوئے اور نیٹو کی رکنیت کے عمل کے دوران سویڈن کی جانب سے ترکیہ کے ساتھ کیے گئے معاہدے کو منسوخ کرنے کا مطالبہ کیا۔