ہم دہشت گردی کی راہداری کے قیام کی اجازت نہیں دیں گے، ایردوان

صدر رجب طیب ایردوان نے کہا کہ وہ ملک کی جنوبی سرحدوں کے ساتھ جو حفاظتی پٹی قائم کر رہے ہیں وہ یقینی طور پر مکمل کریں گے اور وہ دہشت گردی کی راہداری کے قیام کی اجازت نہیں دیں گے۔

صدر ایردوان نے شانلی عرفا میں ہونے والی اجتماعی افتتاحی تقریب میں دہشت گردی کے خلاف جنگ پر بات کی۔

یہ بتاتے ہوئے کہ پراکسی جنگ چھیڑنے والے ترکیہ  کو  اپنی سرحدوں کو محفوظ بنانے کے خلاف ہیں، ایردوان نے کہا، "وہ دہشت گرد تنظیم جس کو انہوں نے ہماری سرحدوں سے باہر پالا  وہ ہر موقع پر ہمارے ملک پر حملہ کرتی ہے،  یہ ہمارے بچوں اور خواتین کی تفریق کیے بغیر  قتل و غارت کرتی ہے۔   اب   موجودہ  ترکیہ  پرانے  ترکیہ سے  بہت مختلف ہے۔ اب یہ   اپنے تصورات کا خود تعین کرتے ہوئے  جمہوری اقدامات اٹھاتا ہے  اب اسے  خطے اور دنیا میں اثر رسوخ حاصل ہے۔

انسداد دہشت گردی کے معاملے میں پر عزم ہونے اور دہشت گرد راہداری   کی تشکیل کی اجازت نہ دینے  پر  زور دینے والے جناب ایردوان نے کہا کہ " ہم، اپنی جنوبی  سرحدوں پر   30 کلو میٹر  طویل  حفاظتی پٹی  کے قیام کو پایہ تکمیل تک ضرور پہنچائیں گے ،  دہشت گرد تنظیم اور اس کی پشت پناہی کرنے والوں کے حملے اور گندے عزائم ہمیں اس مصمم ارادے سے ہٹا نہیں  سکیں  گے۔ کوئی بھی خیالی پلاو میں مگن نہ رہے،  کوئی بھی  ہماری سلامتی کو خطرے میں نہیں ڈال سکتا۔ ہم اس چیز کاہر گز  موقع نہیں دیں گے۔