اپنی سرحدوں اور اپنی قوم کی حفاظت ہماری ذمہ داری ہے: وزیر داخلہ سیلمان سوئیلو

وزیر داخلہ سوئیلو نے پنجہ کلید آپریشن کے بارے میں کہا ہے کہ اپنی سرحدوں اور اپنی قوم کی حفاظت ہماری ذمہ داری ہے، یہ ہمارے ملک اور قوم کا فرض ہے، یہ ہر ملک اور ہر قوم کا جائز حق ہے۔

وزیر داخلہ سلیمان سوئیلو نے ان خیالات کا اظہار  دارالحکومت انقرہ میں جرمن وزیر داخلہ نینسی فیسر سے ملاقات ک کرتے ہوئے کیا۔

سویئلو اور فیسر نے ملاقات کے بعد ایک مشترکہ پریس بیان دیا۔

ملاقات کے حوالے سے، سویئلو نے کہا کہ ہم نے دہشت گردی کے خلاف جنگ کے بارے میں اپنے مشترکہ نقطہ نظر کا از سر نو جائزہ لیا ہے۔ ہم نے دہشت گرد تنطیموں  PKK، DHKP-C، DAESH،  اور فیتو  کے عناصر کے بارے میں اپنے جائزے پیش کیے ہیں۔ ہم نے دکھایا ہے کہ ان سے مشترکہ طور پر لڑنا ہے۔

وزیر  داخلہ سویئلو، شام اور شمالی عراق میں ترکیہ  کی کارروائیوں کے بارے میں کہا کہ  جب جرمنی میں یا یورپ میں کہیں بھی، دنیا میں کہیں بھی دہشت گردانہ حملہ ہوتا ہے تو ہم اسے دہشت گردی کے حملے ہی طور پر دیکھتے ہیں  اور ہم اپنے اردو گرد کے ممالک سے بھی اس قسم کی توقع رکھتے ہیں کہ وہ بھی دہشت گردی  کو دہشت گردی ہی طور پر دیکھیں۔ دہشت گرد  ہمارے ارد گرد دہشت کی ریاست قائم کرنا چاہتے تھے اور ہم اس کی اجازت نہیں دے سکتے۔ اپنی سرحدوں اور اپنی قوم کی حفاظت ہماری ذمہ داری، ملک و قوم کے لیے ہمارا فرض اور فرض ہے۔ یہ ہر ملک اور ہر قوم کا جائز حق ہے۔

اس موقع پر جرمن  وزیر داخلہ  نینسی فیسر  نے کہا کہ  ترکیہ میں دہشت گردانہ حملوں میں اپنی جانیں گنوانے والے بھی  موجود ہیں میں اس پر  اپنے دکھ اور تعزیت کا اظہار  کرتی ہوں ، انہوں نے کہا کہ ہم اب سے اس جدوجہد میں ترکیہ  کے ساتھ یکجہتی جاری رکھیں گے۔