ترکی اب ایسا ملک نہیں رہا کہ جسے دہشت گردانہ حملوں کے ساتھ ڈیزائن کیا جا سکے: ایردوان

ترکی کے ضلع حطائے میں پولیس کی بر وقت اور حساس کاروائی نے ایک بڑے سانحے کا سدباب کر دیا۔

اطلاع کے مطابق تحصیل اسکندرون  میں پولیس نے چیک پوسٹ پر تلاشی کے دوران 2 مشتبہ دہشت گردوں کا پیچھا کیا۔

اس دوران گاڑی سے فرار ہوتے ایک مشتبہ نے جسم سے بندھا بم اڑا دیا۔

دوسرے دہشت کو اس واقعے کےبعد کئے گئے کامیاب آپریشن میں گرفتار کر لیا گیا ہے۔

حطائے کے گورنر رحمی دوعان نے جاری کردہ بیان میں کہا ہے کہ شام سے علیحدگی پسند دہشت گرد تنظیم  کے 4 دہشتگرد شہر کے علاقے امانوس داع لر  میں آئے  جنہیں کل شام سے مکمل طور پر غیر فعال بنا دیا گیا ہے۔

صدر رجب طیب ایردوان نے بھی ٹویٹر سے جاری کردہ بیان میں کہا ہے کہ "حطائے میں کامیاب انسداد دہشت گردی آپریشن  پر میں اپنی دلیر سکیورٹی فورسز کو مبارکباد پیش کرتا ہوں"۔

انہوں نے کہا ہے کہ" ترکی اب ایسا ملک نہیں رہا کہ جسے دہشت گردی کے حملوں کے ساتھ ڈیزائن کیا جا سکے ، رُخ دیا جا سکے یا پھر  ان حملوں کے ساتھ مصروف رکھا جا سکے "۔