صدر رجب طیب ایردوان کا امیر قطر شیخ تمیم بن حماد الثانی کیساتھ  ٹیلیفونک رابطہ

 صدر رجب طیب ایردوان  نے امیر قطر شیخ تمیم بن حماد الثانی کیساتھ  ٹیلیفون پر بات چیت کے دوران انھیں عفرین میں شروع کردہ شاخ ِ زیتون فوجی کاروائی کے بارے میں معلومات فراہم کیں ۔

 صدارتی ذرائع کے مطابق صدر ایردوان نے امیر قطر شیخ تمیم بن حماد الثانی پر یہ واضح کیا کہ  ترکی نے اپنی  علاقائی  سلامتی کے تحفظ کے لیے جو کاروائی شروع کی ہے وہ شام کے سیاسی اتحاد ،علاقائی سالمیت اور علاقے میں امن و امان کے قیام   کے لیے انتہائی اہمیت کی حامل ہے ۔فوجی کاروائی کے دوران انسانی پہلوؤں کو اہمیت دی گئی ہے اور سول عوام کو نقصان نہ پہنچانے کے لیے ہر ممکنہ تدابیر اختیار کی گئی ہیں ۔

امیر قطرالثانی  نے بھی اس بات کی یقین دھانی کروائی کہ قطر دہشت گرد تنظیموں کے خلاف جدوجہد کے معاملے میں ترکی کے ساتھ ہے ۔  دونوں سربراہان نے دو طرفہ تعلقات کو  ہر شعبے میں فروغ دینے  کے معاملے میں ایک بار پھر  پورے عزم کا اظہار کیا ۔