شامی مہاجرین کو ترک شہریت کا مژدہ

صدر  رجب طیب ایردوان نے   ترکی میں مقیم  شامی  مہاجرین  کو     شہریت کا مژدہ دیا ہے۔

کیلیس   میں       شامی مہاجرین  کے شریک  ہونے والی ایک افطار   پارٹی سے   خطاب  کرنے والے جناب ایردوان نے  کہا کہ" مجھے   یقین  ہے کہ جمہوریہ ترکی  کی شہریت  حاصل کرنے کے خواہاں  کئی  شامی  موجود ہیں۔ ہمارے دفتر ِ داخلہ نے اس حوالے سے  کئی  اقدامات  اٹھائے ہیں،   لازمی   کاغذی کاروائی  کے بعد   شامی مہاجرین   کے  لیے ترک شہریت کی راہ ہموار   ہو جائیگی۔

انہوں نے  واضح کیا کہ"  ترکی   کی شام پالیسیاں  وہی ہیں  جو آج سے    6 برس قبل تھیں،      ہم    اسد اور اس کے اہل ِ خانہ کے  کافی قریب تھے، ہم  اسے  کہتے تھے کہ   تم اپنے باپ کی طرح  نہیں بنو  گے،    جس کا جواب   یہ  مسکرا    تے  ہوئے دیا کرتا تھا۔  اس کا مطلب ہے کہ   اسد  دہری شخصیت   کا مالک ہے  اور اپنا اصلی  چہرہ  اس نے ہم سے چھپائے رکھا۔"

داعش، پی وائے ڈی اور  وائے پی جی   دہشت گرد تنظیموں  کے خلاف  بھی  سخت   بیانات دینے والے جناب ایردوان  نے  کہا کہ " شام  میں  نہ تو داعش  مسلمانوں کی نمائندگی کرتی ہے اور نہ ہی     پی وائے جی  کردی برادرز  کی ۔  ان  دونوں تنظیموں کو       بیرونی  طاقتوں      کے گندے عزائم کو پورا کرنے   کے زیر مقصد  آلہ کار بنایا جا رہا ہے۔

اپنے گھر بار کو  ترک کرنے  پر مجبور ہونے والے شامی شہریوں کی تعداد   کے 50 لاکھ  ہونے اور  ان میں  سے   30 لاکھ    کے لگ بھگ ترکی میں  پناہ لینے  کاذکر کرنے والے  جناب ایردوان  نے  مزید کہا    کہ کیلیس میں   مقامی  عوام کی تعداد  سے زیادہ     شامی   مہاجرین  کی  میزبانی   کی جا رہی ہے۔

مسئلہ  شام کے حل کے لیے   مغربی   اور تمام تر    دنیا سے  اس    آگ  کے ذرائع کو  بجھانے کی   اپیل  کرنے  والے صدر  ترکی کا  کہنا تھا  کہ "    تمام تر شامی طبقوں سے بغلگیر   ہونے والے   کسی آئین کی ضرورت ہے، اس کے علاوہ    سرعت سے نئی ملکی انتظامیہ   کی تشکیل  بھی لازمی  ہے۔

انہوں نے مزید  بتایا کہ گزشتہ 35 برسوں سے  دہشت گردی کے خلاف جدوجہد کرنے والا   ترکی    اس بلا سے نجات پا کر ہی     رہے گا۔  ہم  ان  ملک   دشمن عناصر کو    لازمی سبق    سکھائیں  گے۔