ترکی کے معیاری ڈرامے دنیا میں بے حد مقبول ہیں ،نائب وزیر اعظم نومان قرتلمش

نائب وزیر اعظم نومان قرتلمش نے کہا ہے کہ کسی ملک کا اپنی ثقافت کو دنیا میں پھیلانا اس کی طاقت کا مظہر ہے اور ترکی نے معیاری ڈرامے بناتے ہوئے ان میں کامیابی حاصل کی ہے ۔

انھوں نے انقرہ میں منعقدہ ریڈیو ٹیلیویژن صحافیوں کی انجمن کی روائیتی میڈیا ایوارڈ تقریب سے خطاب کرتے ہوئے کہا کہ حالیہ چند برسوں سے ترکی میں تیار کیے جانے والے معیاری ڈراموں کو متعدد ممالک میں دکھایا جا رہا ہے جو ترک ثقافت کو دنیا سے متعارف کروانے کے لحاظ سے انتہائی اہم قدم ہے ۔کسی ملک کی ثقافت کو متعارف کروانے میں ٹیلیویژن کے پروگرام اور ڈرامے اہم کردار ادا کرتے ہیں ۔