بھارتی خلائی مشن چندریان تھری چاند پر اتر گیا
حکام کا کہنا ہے کہ چاند کا جنوبی قطب ابھی تک بڑی حد تک غیر دریافت شدہ ہے، جہاں چندریان 3 اترا وہ قطب جنوبی کا دور دراز خطہ ہے
بھارتی خلائی مشن چندریان تھری چاند پر اتر گیا، چندریان تھری لینڈر وکرم چاند کے قطب جنوبی کی سطح پر اترا ہے۔
بھارت چاند کے جنوبی قطب تک پہنچنے والا دنیا کا پہلا جبکہ چاند پر سافٹ لینڈنگ کرنے والا دنیا کا چوتھا ملک بن گیا۔
اس سے قبل امریکہ، روس اور چین چاند کے خط استوا کے قریب سافٹ لینڈنگ کرچکے ہیں۔
حکام کا کہنا ہے کہ چاند کا جنوبی قطب ابھی تک بڑی حد تک غیر دریافت شدہ ہے، جہاں چندریان 3 اترا وہ قطب جنوبی کا دور دراز خطہ ہے۔
مستقل طور پر سائے میں رہنے کی وجہ سے اسے 'چاند کا اندھیرے والا حصہ' بھی کہا جاتا ہے۔
غالب امکان ہے کہ چاند کا جو حصہ سائے میں ہے وہاں پانی کی موجودگی کے آثار ملیں۔
بھارت نے اس سے پہلے بھی دو بار چاند کے جنوبی قطب کیلئے مشن روانہ کیا تھا جو ناکام ہوگئے تھے۔
واضح رہے کہ چندریان تھری مشن 14 جولائی کو ریاست آندھرا پردیش سے روانہ ہوا تھا، یہ 40 دن کے طویل سفر کے بعد چاند پر اترا ہے
