عالمی ادارہ صحت کی امیر ممالک سے اپیل: 20 ممالک کو ویکسین کی فوری فراہمی کی جائے
کورونا وائرس کے خطرے سے دوچار 20 ممالک تاحال کووِڈ۔19 ویکسینوں میں سے کسی تک بھی رسائی حاصل نہیں کر سکے۔ ان ممالک کو فوری طور پر ویکسین کا عطیہ دیا جائے: گبرائسس
عالمی ادارہ صحت نے کہا ہے کہ کورونا وائرس کے خطرے سے دوچار 20 ممالک تاحال کووِڈ۔19 ویکسینوں میں سے کسی تک بھی رسائی حاصل نہیں کر سکے۔ ان ممالک کو فوری طور پر ویکسین کا عطیہ دیا جائے۔
عالمی ادارہ صحت نے امیر ممالک سے غریب ممالک کو ویکسین عطیہ کرنے کی اپیل کی اور کہا ہے کہ ان ممالک کو اپنی ذمہ داریوں کو سمجھنا اور اس کے مطابق روّیہ اختیار کرنا چاہیے۔
عالمی ادارہ صحت کے ڈائریکٹر جنرل ٹیڈروس ایڈہینم گبرائسس نے کہا ہے کہ مذکورہ 20 ممالک کو فوری طور پر 10 ملین ویکسین کی ضرورت ہے۔
انہوں نے کہا ہے کہ بین الاقوامی ویکسین تقسیم پروگرام COVAX ان ممالک کو ویکسین فراہم کرنے کے لئے تیار ہے لیکن دنیا بھر میں ویکسین کے حصول کی دوڑ نے ویکسین کی ترسیل کو سست کر دیا ہے۔
گبرائسس نے کہا ہے کہ دو طرفہ سمجھوتوں، برآمداتی پابندیوں اور ویکسین کی نیشنیلٹی نے منڈی کے اورطلب و رسد کے درمیان بڑے پیمانے پر عدم توازن پیدا کردیا ہے۔
انہوں نے کہا ہے کہ "10 ملین ویکسین خوراکیں نہ تو زیادہ ہیں اور نہ ہی کافی ہیں"۔
متعللقہ خبریں
یوگنڈا: ملک بھر میں آشوبِ چشم کی وباء، مریضوں کی تعداد ہزاروں تک پہنچ گئی
حالیہ 3 ہفتوں کے دوران مریضوں کی تعداد 954 سے بڑھ کر 7 ہزار 596 ہو گئی ہے: یوگنڈا وزارت صحت