ترکی شمسی توانائی کی جنت

ترکی  میں قابل تجدید  توانائی کے وسائل سے استفادہ کرنے کی خواہاں کاروباری شخصیات   کی کوششوں سے  بھی    ترقی کی جانب رواں دواں    شمسی  توانائی   پاور  اسٹیشنز  میں سرمایہ کاری میں ہر گزرتے دن اضافہ  ہوتا جا رہا ہے۔

کاروباری حضرات  خاصکر سالانہ دھوپ کے سب سے زیادہ  پڑنے والے   شانلی عرفا، غازی این تپ  اور دیار بکر کی  طرح کے جنوب مشرقی  شہروں اور اندرون  اناطولیہ   کے شہروں  میں  شمسی توانائی    کے حصول  کے لیے سرمایہ  کاری  کر  رہے ہیں۔

گزشتہ برس 800 میگا واٹ  کی گنجائش کے حامل  سولر پاور اسٹیشنوں   کی موجودہ   گنجائش حکومتی سرمایہ کاری کی بدولت  دو ہزار میگا واٹ سے بھی تجاوز کر  گئی ہے۔  جبکہ  بلا لائسنس  پاور اسٹیشنز کی تعداد 1 ہزار 42 سے   بڑھتے ہوئے 2 ہزار 442 تک  جا پہنچی ہے۔

ہران یونیورسٹی   کے   قابل ِ تجدید توانائی  و انرجی  پروڈکشن  سنٹر  کے منیجر  ڈاکٹر  اعظمی آک تاجر  کا کہنا ہے کہ  ترکی میں  شمسی توانائی سے استفادہ کرنے کی شرح میں   بتدریج اضافہ ہوتا جا رہا ہے۔

انہوں نے کہا کہ  شمسی توانائی سے  کمائی کے طریقوں سے آشنا سرمایہ کار سرعت سے پاور اسٹیشنز بنا رہے ہیں جبکہ اس شعبے میں حکومتی  ضمانت اور  آسانیاں    سرمایہ   کاری کی سطح میں  اضافہ کر رہی ہیں۔