پی ٹی آئی نے خیبر پختونخوا میں حکومت سازی کا فیصلہ کر لیا
سابق اسپیکر قومی اسپیکر اسد قیصر نے اس حوالے سے بتایا ہے کہ الیکشن کے بعد کی صورتحال کا جائزہ لینے کے لیے مشاورت جاری ہے
پی ٹی آئی نے خیبر پختونخوا میں حکومت سازی کا فیصلہ کر لیا ہے۔
ایکسپریس نیوز کے مطابق پی ٹی آئی نے تیسری بار صوبے میں حکومت بنانے کے لیے مختلف آپشنز پر غور شروع کردیا ہے۔تحریک انصاف کی قیادت نے الیکشن کے بعد کی صورتحال پر اہم اجلاس طلب کرلیا۔ انتخابات میں تحریک انصاف کے نامزد امیداروں کی خیبرپختونخوا میں سادہ اکثریت حاصل کرنے کے بعد صوبے میں حکومت بنانے کی تیاریاں شروع کردی گئی ہیں۔
تحریک انصاف کی قیادت نے آزاد امیدواروں کی وفاداریاں تبدیل ہونے سے روکنے کے لیے ارکان سے تحریری حلف لینے کا فیصلہ کیا ہے۔ انتخابی مہم کے دوران بھی نامزد امیدواروں نے وفاداریاں تبدیل نہ کرنے کا حلف لیا تھا۔
پاکستان تحریک انصاف بہ حیثیت جماعت اگرچہ پارلیمانی سیاست کا حصہ نہیں لیکن خیبرپختونخوا میں حکومت بنانے کے لیے قانونی اور آئینی پہلوں کا جائزہ لیا جارہا ہے۔ سابق اسپیکر قومی اسپیکر اسد قیصر نے اس حوالے سے بتایا ہے کہ الیکشن کے بعد کی صورتحال کا جائزہ لینے کے لیے مشاورت جاری ہے۔
انہوں نے کہا کہ اس حوالے سے بانی چیئرمین عمران خان سے بھی رابطہ کررہے ہیں اور پی ٹی آئی کی قیادت کا اجلاس بھی بلایا گیا ہے۔ انٹرا پارٹی الیکشن کے علاوہ عدالت سے رجوع کرنے کے بارے میں بھی سوچا جا رہا ہے۔ وزیراعلیٰ کون ہوگا، اس پر بھی مشاورت کی جائے گی۔
متعللقہ خبریں
پاکستان کا پہلا سیٹلائٹ خلائی مشن آئی کیوب چاند کے مدار میں کامیابی سے پہنچ گیا
آئی کیوب قمر سے چاند کی پہلی تصویر 15 یا 16 مئی تک موصول ہو نے کا امکان ہے