وزیراعظم انوار الحق کاکڑ بیلٹ اینڈ روڈ فورم میں شرکت کیلئے کل بیجنگ پہنچیں گے

 چین میں پاکستان کے سفیر معین الحق کا کہا ہے کہ تیسرا بیلٹ اینڈ روڈ فورم بیلٹ اینڈ روڈ اقدام اور اس کے اہم منصوبے چین پاکستان اقتصادی راہداری کے دس سال مکمل ہونے کی تقریبات کا حصہ ہے۔

انہوں نےایک ویڈیو پیغام میں کہا کہ وزیراعظم کا چین کا دور انتہائی اہم ہے۔

سفیر نے کہا کہ وزیرعظم کے دوہ سے پاکستان چین تذویراتی شراکت داری کے اعادہ اور سی پیک تعاون کو فروغ دینے کے نئے مرحلے کی جانب گامزن کرنے کا موقع فراہم کرے گا۔

چین میں پاکستان کے سفیر نے کہا کہ بیلٹ اینڈ روڈ فورم تمام رکن ممالک کے لیے مستقبل کے لیے لائحہ عمل تشکیل دینے کے لیے بہت اہم موقع ہے۔

انہوں نے کہا کہ وزیراعظم اورمچی کا دورہ بھی کریں گے جہاں وہ مقامی قیادت سے ملاقات کریں گے۔