پاکستان موسمیاتی بحران کے بدترین اثرات سے دوچار ہے: سیکرٹری جنرل انتونیو گوٹریس

اقوام متحدہ کے سیکرٹری جنرل انتونیو گوٹریس نے کہا ہے کہ پاکستان موسمیاتی بحران کے بدترین اثرات سے دوچار ہے، انہوں نے اس سلسلے میں   عالمی برادری سے اس ملک کی مدد کرنے کا مطالبہ کیا ہے۔

انتونیو گوٹیرس نے سوئٹزرلینڈ کے شہر جنیوا میں منعقدہ بین الاقوامی موسمیاتی مزاحمتی پاکستان کانفرنس میں پاکستان کی حمایت کرتے ہوئے کہا کہ  پاکستان کو  گزشتہ  سال موسم گرما کے مہینوں میں آنے والی سیلاب کی تباہی میں بہت زیادہ نقصان اٹھانا پڑا  ہے ۔

گوٹیریس نے کہا کہ وہ گزشتہ موسم گرما میں پاکستان میں آنے والے سیلاب سے ہونے والی تباہی سے  بُری طرح متاثر ہوئے کیونکہ  اس طرح کی تباہی  انہوں نے اس سے قبل کبھی نہیں دیکھی تھی اور تباہی اس کے اپنے حالات کی وجہ سے نہیں بلکہ  موسمیاتی  تبدیلیوں  کے باعث ہوئی ہے۔  

"انہوں نے کہا کہ پاکستان میں سیلاب  کی خوفناک تباہی  کے نتیجے میں  1700 افراد ہلاک اور ہزاروں زخمی ہوئے۔ اس واقعے سے 33 ملین سے زیادہ لوگ متاثر ہوئے اور 80 لاکھ لوگ بے گھر ہوئے۔ سڑکوں کو بہا لے جانے والے سیلاب  سے  لاکھوں ایکڑ زرعی فصل کو تباہ  ہوئی  اور 20 لاکھ سے زائد مکانات کو تباہ  ہوئے   جس کے نتیجے میں   تقریباً 9 ملین افراد کو غربت کے دہانے پر  پہنچ گئے ہیں۔

انہوں نے کہا کہ  پاکستانی حکومت اور اقوام متحدہ کے تعاون سے عطیات اکٹھے کیے گئے، گوٹیریس نے زور دے کر کہا کہ ملک میں خیمے، خوراک، پانی، ادویات اور نقد امداد تقسیم کی گئی، اور 816 ملین ڈالر کا انسانی امداد کا منصوبہ شروع کیا گیا ہے ۔

انہوں نے عالمی برادری سے پاکستان کی امداد جاری رکھنے کا  مطالبہ کیا ہے۔ انہوں نے کہا کہ یہ سیلاب پاکستان کے اپنے حالات کی وجہ سے نہیں بلکہ موسمیاتی  تبدیلوں کی وجہ   سے   بدترین اثرات جھیل رہا ہے۔

دوسری جانب یورپی یونین  کی  کمیشن کی صدر ارسولا وان دیر لیین نے کانفرنس میں بھیجے گئے ویڈیو پیغام میں پاکستان کو 500 ملین یورو امداد فراہم کرنے کا اعلان کیا ہے۔