پاکستان کی بھارت کی جانب سے عمران خان اور دیگر حکام کی جاسوسی کرنے کی مذمت
بی جے پی حکومت عرصہ سے مقبوضہ کشمیرمیں بھی حقوق کی خلاف ورزیوں میں ملوث ہے
ترجمان دفتر خارجہ پاکستان نے اپنے بیان میں کہا ہے کہ ہم بھارت کی جانب سے وزیراعظم عمران خان سمیت دیگرشخصیات کی جاسوسی کی مذمت کرتے ہیں۔
اعلامیہ میں واضح کیا گیا ہے کہ بھارت کی جانب سے اسرائیلی آلات کے ذریعے اپنے شہریوں وغیرملکیوں کی جاسوسی پر ہمیں تشویش لا حق ہے۔ لہذا ہم ذمہ دارانہ ریاستی طرزعمل کے عالمی اصولوں کی واضح خلاف ورزی کی مذمت کرتے ہیں۔
ترجمان کے مطابق بی جے پی حکومت عرصہ سے مقبوضہ کشمیرمیں بھی حقوق کی خلاف ورزیوں میں ملوث ہے، یورپی یونین کی ڈس انفولیب اطلاعات میں بھی دنیا نے نام نہاد ہندوستانی “جمہوریت” کا اصل چہرہ دیکھا، بھارت کی زیادتیوں کے معاملے کو مناسب عالمی پلیٹ فارمزپر سامنے لائیں گے، ہماری اپیل ہے کہ اقوام متحدہ کے متعلقہ ادارے اس معاملے کی مکمل تحقیقات کراتے ہوئے قصورواروں کا محاسبہ کرے۔
متعللقہ خبریں
پاکستان میں شدید بارشوں اور سیلاب سے 98 افراد جان بحق
بارشیں 22 اپریل تک جاری رہیں گی اور بلوچستان اور خیبرپختونخوا میں اچانک سیلاب آنے کا خطرہ موجود ہے
