پاکستان نے امریکہ کو افغانستان میں آپریشن کے لیے فوجی اڈے استعمال نہ کرسکنے کا دوٹوک جواب دے دیا
ہم امریکا کو پاکستانی سرزمین سے افغانستان میں کسی بھی طرح کی کارروائی کیلئے کوئی اڈہ نہیں دیں گے، عمران خان
وزیراعظم عمران خان نے متحدہ امریکہ کے افغانستان سے انخلا کے بعد واشنگٹن انتظامیہ افغانستان میں فوجی کارروائی کیلئے امریکی خفیہ سروس کو پاکستان میں اڈے دینے سے صاف انکار کردیا۔
امریکی ٹی وی ایچ بی او کے پروگرام ایگزیوس کے اینکر جوناتھن سوان کو انٹرویو میں عمران خان نے یہ بات کہی۔ اینکر نے پوچھا کیا آپ امریکی حکومت کو اس بات کی اجازت دیں گے کہ وہ سی آئی اے کے ذریعے پاکستان سے سرحد پار القاعدہ، داعش اور طالبان کے خلاف انسداد دہشت گردی کارروائیاں کرے۔
اس سوال کے جواب میں وزیراعظم عمران خان نے صاف انکار کرتے ہوئے کہا کہ بالکل نہیں، کسی صورت نہیں، ہم امریکا کو پاکستانی سرزمین سے افغانستان میں کسی بھی طرح کی کارروائی کیلئے کوئی اڈہ نہیں دیں گے۔
وزیر اعظم کا عہدہ سنبھالنے سے پیشتر امریکہ کی جانب سے افغانستان میں فوجی کاروائیوں کے لیے پاکستانی سرزمین کو استعمال کرنے اور پاکستان میں ڈراؤن حملوں کے برخلاف ماضی کی حکومتوں پر کڑی نکتہ چینی کرنے والے عمران خان کے سال2018 میں برسرِ اقتدار آنے کے بعد ملک میں کسی بھی امریکی ڈراؤن نے کوئی کاروائی نہیں کی۔